| Library / Tipiṭaka / ติปิฎก • Tipiṭaka / กงฺขาวิตรณี-อภินว-ฎีกา • Kaṅkhāvitaraṇī-abhinava-ṭīkā |
๖. วชฺชปฺปฎิจฺฉาทิกาสิกฺขาปทวณฺณนา
6. Vajjappaṭicchādikāsikkhāpadavaṇṇanā
ปาราชิกํ ธมฺมํ อชฺฌาปนฺนนฺติ ภิกฺขูหิ สาธารณานํ จตุนฺนํ, อสาธารณานํ จตุนฺนญฺจาติ อฎฺฐนฺนมญฺญตรํ อชฺฌาปนฺนํฯ อิทญฺจ ปาราชิกํ (ปาจิ. อฎฺฐ. ๖๖๖) ปจฺฉา ปญฺญตฺตํ, สงฺคีติการกาจริเยหิ ปน ปุริเมน สทฺธิํ ยุคฬํ กตฺวา อิมสฺมิํ โอกาเส ฐปิตนฺติ เวทิตพฺพํฯ ‘‘อฎฺฐนฺนํ ปาราชิกานํ อญฺญตร’’นฺติ (ปาจิ. ๖๖๖) วจนโต ปน วชฺชปฺปฎิจฺฉาทิกํ ยา ปฎิจฺฉาเทติ, สาปิ วชฺชปฺปฎิจฺฉาทิกา เอวาติ ทฎฺฐพฺพํฯ กิญฺจาปิ วชฺชปฺปฎิจฺฉาทนํ เปมวเสน โหติ, ตถาปิ สิกฺขาปทวีติกฺกมจิตฺตํ โทมนสฺสเมว โหตีติ กตฺวา ทุกฺขเวทนํ โหตีติ ‘‘ตตฺร หิ ปาจิตฺติยํ…เป.… เสสํ ตาทิสเมวา’’ติ วุตฺตํฯ
Pārājikaṃ dhammaṃ ajjhāpannanti bhikkhūhi sādhāraṇānaṃ catunnaṃ, asādhāraṇānaṃ catunnañcāti aṭṭhannamaññataraṃ ajjhāpannaṃ. Idañca pārājikaṃ (pāci. aṭṭha. 666) pacchā paññattaṃ, saṅgītikārakācariyehi pana purimena saddhiṃ yugaḷaṃ katvā imasmiṃ okāse ṭhapitanti veditabbaṃ. ‘‘Aṭṭhannaṃ pārājikānaṃ aññatara’’nti (pāci. 666) vacanato pana vajjappaṭicchādikaṃ yā paṭicchādeti, sāpi vajjappaṭicchādikā evāti daṭṭhabbaṃ. Kiñcāpi vajjappaṭicchādanaṃ pemavasena hoti, tathāpi sikkhāpadavītikkamacittaṃ domanassameva hotīti katvā dukkhavedanaṃ hotīti ‘‘tatra hi pācittiyaṃ…pe… sesaṃ tādisamevā’’ti vuttaṃ.
วชฺชปฺปฎิจฺฉาทิกาสิกฺขาปทวณฺณนา นิฎฺฐิตาฯ
Vajjappaṭicchādikāsikkhāpadavaṇṇanā niṭṭhitā.
