| Library / Tipiṭaka / તિપિટક • Tipiṭaka / મહાવગ્ગ-અટ્ઠકથા • Mahāvagga-aṭṭhakathā |
વજ્જનીયપુગ્ગલસન્દસ્સનકથા
Vajjanīyapuggalasandassanakathā
૧૮૩. ભિક્ખુનિયા નિસિન્નપરિસાયાતિઆદીસુ હત્થપાસુપગમનમેવ પમાણં. અઞ્ઞત્ર અવુટ્ઠિતાય પરિસાયાતિ ઇદઞ્હિ પારિવાસિયપારિસુદ્ધિદાનં નામ પરિસાય વુટ્ઠિતકાલતો પટ્ઠાય ન વટ્ટતિ, અવુટ્ઠિતાય પન વટ્ટતિ. તેનાહ – ‘‘અઞ્ઞત્ર અવુટ્ઠિતાય પરિસાયા’’તિ. તસ્સ લક્ખણં ભિક્ખુનિવિભઙ્ગે પરિવાસિયછન્દદાનવણ્ણનતો ગહેતબ્બં. અનુપોસથેતિ ચાતુદ્દસિકો ચ પન્નરસિકો ચાતિ ઇમે દ્વે ઉપોસથે ઠપેત્વા અઞ્ઞસ્મિં દિવસે. અઞ્ઞત્ર સઙ્ઘસામગ્ગિયાતિ યા કોસમ્બકભિક્ખૂનં વિય ભિન્ને સઙ્ઘે પુન સઙ્ઘસામગ્ગી કરિયતિ, તથારૂપિં સઙ્ઘસામગ્ગિં ઠપેત્વા . તદા ચ ‘‘સુણાતુ મે ભન્તે સઙ્ઘો અજ્જુપોસથો સામગ્ગી’’તિ વત્વા કાતબ્બો. યે પન કિસ્મિઞ્ચિદેવ અપ્પમત્તકે ઉપોસથં ઠપેત્વા પુન સમગ્ગા હોન્તિ, તેહિ ઉપોસથેયેવ કાતબ્બોતિ.
183.Bhikkhuniyā nisinnaparisāyātiādīsu hatthapāsupagamanameva pamāṇaṃ. Aññatra avuṭṭhitāya parisāyāti idañhi pārivāsiyapārisuddhidānaṃ nāma parisāya vuṭṭhitakālato paṭṭhāya na vaṭṭati, avuṭṭhitāya pana vaṭṭati. Tenāha – ‘‘aññatra avuṭṭhitāya parisāyā’’ti. Tassa lakkhaṇaṃ bhikkhunivibhaṅge parivāsiyachandadānavaṇṇanato gahetabbaṃ. Anuposatheti cātuddasiko ca pannarasiko cāti ime dve uposathe ṭhapetvā aññasmiṃ divase. Aññatra saṅghasāmaggiyāti yā kosambakabhikkhūnaṃ viya bhinne saṅghe puna saṅghasāmaggī kariyati, tathārūpiṃ saṅghasāmaggiṃ ṭhapetvā . Tadā ca ‘‘suṇātu me bhante saṅgho ajjuposatho sāmaggī’’ti vatvā kātabbo. Ye pana kismiñcideva appamattake uposathaṃ ṭhapetvā puna samaggā honti, tehi uposatheyeva kātabboti.
ઉપોસથક્ખન્ધકવણ્ણના નિટ્ઠિતા.
Uposathakkhandhakavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવગ્ગપાળિ • Mahāvaggapāḷi / ૧૦૫. વજ્જનીયપુગ્ગલસન્દસ્સના • 105. Vajjanīyapuggalasandassanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / વજ્જનીયપુગ્ગલસન્દસ્સનકથાવણ્ણના • Vajjanīyapuggalasandassanakathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / વજ્જનીયપુગ્ગલસન્દસ્સનકથાવણ્ણના • Vajjanīyapuggalasandassanakathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / લિઙ્ગાદિદસ્સનકથાદિવણ્ણના • Liṅgādidassanakathādivaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૧૦૫. વજ્જનીયપુગ્ગલસન્દસ્સનકથા • 105. Vajjanīyapuggalasandassanakathā
