| Library / Tipiṭaka / తిపిటక • Tipiṭaka / మహావగ్గ-అట్ఠకథా • Mahāvagga-aṭṭhakathā |
వజ్జనీయపుగ్గలసన్దస్సనకథా
Vajjanīyapuggalasandassanakathā
౧౮౩. భిక్ఖునియా నిసిన్నపరిసాయాతిఆదీసు హత్థపాసుపగమనమేవ పమాణం. అఞ్ఞత్ర అవుట్ఠితాయ పరిసాయాతి ఇదఞ్హి పారివాసియపారిసుద్ధిదానం నామ పరిసాయ వుట్ఠితకాలతో పట్ఠాయ న వట్టతి, అవుట్ఠితాయ పన వట్టతి. తేనాహ – ‘‘అఞ్ఞత్ర అవుట్ఠితాయ పరిసాయా’’తి. తస్స లక్ఖణం భిక్ఖునివిభఙ్గే పరివాసియఛన్దదానవణ్ణనతో గహేతబ్బం. అనుపోసథేతి చాతుద్దసికో చ పన్నరసికో చాతి ఇమే ద్వే ఉపోసథే ఠపేత్వా అఞ్ఞస్మిం దివసే. అఞ్ఞత్ర సఙ్ఘసామగ్గియాతి యా కోసమ్బకభిక్ఖూనం వియ భిన్నే సఙ్ఘే పున సఙ్ఘసామగ్గీ కరియతి, తథారూపిం సఙ్ఘసామగ్గిం ఠపేత్వా . తదా చ ‘‘సుణాతు మే భన్తే సఙ్ఘో అజ్జుపోసథో సామగ్గీ’’తి వత్వా కాతబ్బో. యే పన కిస్మిఞ్చిదేవ అప్పమత్తకే ఉపోసథం ఠపేత్వా పున సమగ్గా హోన్తి, తేహి ఉపోసథేయేవ కాతబ్బోతి.
183.Bhikkhuniyā nisinnaparisāyātiādīsu hatthapāsupagamanameva pamāṇaṃ. Aññatra avuṭṭhitāya parisāyāti idañhi pārivāsiyapārisuddhidānaṃ nāma parisāya vuṭṭhitakālato paṭṭhāya na vaṭṭati, avuṭṭhitāya pana vaṭṭati. Tenāha – ‘‘aññatra avuṭṭhitāya parisāyā’’ti. Tassa lakkhaṇaṃ bhikkhunivibhaṅge parivāsiyachandadānavaṇṇanato gahetabbaṃ. Anuposatheti cātuddasiko ca pannarasiko cāti ime dve uposathe ṭhapetvā aññasmiṃ divase. Aññatra saṅghasāmaggiyāti yā kosambakabhikkhūnaṃ viya bhinne saṅghe puna saṅghasāmaggī kariyati, tathārūpiṃ saṅghasāmaggiṃ ṭhapetvā . Tadā ca ‘‘suṇātu me bhante saṅgho ajjuposatho sāmaggī’’ti vatvā kātabbo. Ye pana kismiñcideva appamattake uposathaṃ ṭhapetvā puna samaggā honti, tehi uposatheyeva kātabboti.
ఉపోసథక్ఖన్ధకవణ్ణనా నిట్ఠితా.
Uposathakkhandhakavaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / వినయపిటక • Vinayapiṭaka / మహావగ్గపాళి • Mahāvaggapāḷi / ౧౦౫. వజ్జనీయపుగ్గలసన్దస్సనా • 105. Vajjanīyapuggalasandassanā
టీకా • Tīkā / వినయపిటక (టీకా) • Vinayapiṭaka (ṭīkā) / సారత్థదీపనీ-టీకా • Sāratthadīpanī-ṭīkā / వజ్జనీయపుగ్గలసన్దస్సనకథావణ్ణనా • Vajjanīyapuggalasandassanakathāvaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / వజిరబుద్ధి-టీకా • Vajirabuddhi-ṭīkā / వజ్జనీయపుగ్గలసన్దస్సనకథావణ్ణనా • Vajjanīyapuggalasandassanakathāvaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / విమతివినోదనీ-టీకా • Vimativinodanī-ṭīkā / లిఙ్గాదిదస్సనకథాదివణ్ణనా • Liṅgādidassanakathādivaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / పాచిత్యాదియోజనాపాళి • Pācityādiyojanāpāḷi / ౧౦౫. వజ్జనీయపుగ్గలసన్దస్సనకథా • 105. Vajjanīyapuggalasandassanakathā
