| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੫. વਜਿਰੂਪਮਸੁਤ੍ਤવਣ੍ਣਨਾ
5. Vajirūpamasuttavaṇṇanā
੨੫. ਪਞ੍ਚਮੇ ਅਰੁਕੂਪਮਚਿਤ੍ਤੋਤਿ ਪੁਰਾਣવਣਸਦਿਸਚਿਤ੍ਤੋ। વਿਜ੍ਜੂਪਮਚਿਤ੍ਤੋਤਿ ਇਤ੍ਤਰਕਾਲੋਭਾਸਨੇਨ વਿਜ੍ਜੁਸਦਿਸਚਿਤ੍ਤੋ। વਜਿਰੂਪਮਚਿਤ੍ਤੋਤਿ ਕਿਲੇਸਾਨਂ ਮੂਲਘਾਤਕਰਣਸਮਤ੍ਥਤਾਯ વਜਿਰੇਨ ਸਦਿਸਚਿਤ੍ਤੋ। ਅਭਿਸਜ੍ਜਤੀਤਿ ਲਗ੍ਗਤਿ। ਕੁਪ੍ਪਤੀਤਿ ਕੋਪવਸੇਨ ਕੁਪ੍ਪਤਿ। ਬ੍ਯਾਪਜ੍ਜਤੀਤਿ ਪਕਤਿਭਾવਂ ਪਜਹਤਿ, ਪੂਤਿਕੋ ਹੋਤਿ। ਪਤਿਤ੍ਥੀਯਤੀਤਿ ਥਿਨਭਾવਂ ਥਦ੍ਧਭਾવਂ ਆਪਜ੍ਜਤਿ। ਕੋਪਨ੍ਤਿ ਦੁਬ੍ਬਲਕੋਧਂ। ਦੋਸਨ੍ਤਿ ਦੁਸ੍ਸਨવਸੇਨ ਤਤੋ ਬਲવਤਰਂ। ਅਪ੍ਪਚ੍ਚਯਨ੍ਤਿ ਅਤੁਟ੍ਠਾਕਾਰਂ ਦੋਮਨਸ੍ਸਂ। ਦੁਟ੍ਠਾਰੁਕੋਤਿ ਪੁਰਾਣવਣੋ। ਕਟ੍ਠੇਨਾਤਿ ਦਣ੍ਡਕਕੋਟਿਯਾ। ਕਠਲੇਨਾਤਿ ਕਪਾਲੇਨ। ਆਸવਂ ਦੇਤੀਤਿ ਅਪਰਾਪਰਂ ਸવਤਿ। ਪੁਰਾਣવਣੋ ਹਿ ਅਤ੍ਤਨੋ ਧਮ੍ਮਤਾਯੇવ ਪੁਬ੍ਬਂ ਲੋਹਿਤਂ ਯੂਸਨ੍ਤਿ ਇਮਾਨਿ ਤੀਣਿ ਸવਤਿ, ਘਟ੍ਟਿਤੋ ਪਨ ਤਾਨਿ ਅਧਿਕਤਰਂ ਸવਤਿ।
25. Pañcame arukūpamacittoti purāṇavaṇasadisacitto. Vijjūpamacittoti ittarakālobhāsanena vijjusadisacitto. Vajirūpamacittoti kilesānaṃ mūlaghātakaraṇasamatthatāya vajirena sadisacitto. Abhisajjatīti laggati. Kuppatīti kopavasena kuppati. Byāpajjatīti pakatibhāvaṃ pajahati, pūtiko hoti. Patitthīyatīti thinabhāvaṃ thaddhabhāvaṃ āpajjati. Kopanti dubbalakodhaṃ. Dosanti dussanavasena tato balavataraṃ. Appaccayanti atuṭṭhākāraṃ domanassaṃ. Duṭṭhārukoti purāṇavaṇo. Kaṭṭhenāti daṇḍakakoṭiyā. Kaṭhalenāti kapālena. Āsavaṃ detīti aparāparaṃ savati. Purāṇavaṇo hi attano dhammatāyeva pubbaṃ lohitaṃ yūsanti imāni tīṇi savati, ghaṭṭito pana tāni adhikataraṃ savati.
ਏવਮੇવ ਖੋਤਿ ਏਤ੍ਥ ਇਦਂ ਓਪਮ੍ਮਸਂਸਨ੍ਦਨਂ – ਦੁਟ੍ਠਾਰੁਕੋ વਿਯ ਹਿ ਕੋਧਨਪੁਗ੍ਗਲੋ, ਤਸ੍ਸ ਅਤ੍ਤਨੋ ਧਮ੍ਮਤਾਯ ਸવਨਂ વਿਯ ਕੋਧਨਸ੍ਸਪਿ ਅਤ੍ਤਨੋ ਧਮ੍ਮਤਾਯ ਉਦ੍ਧੁਮਾਤਸ੍ਸ વਿਯ ਚਣ੍ਡਿਕਤਸ੍ਸ ਚਰਣਂ, ਕਟ੍ਠੇਨ વਾ ਕਠਲਾਯ વਾ ਘਟ੍ਟਨਂ વਿਯ ਅਪ੍ਪਮਤ੍ਤਂ વਚਨਂ, ਭਿਯ੍ਯੋਸੋਮਤ੍ਤਾਯ ਸવਨਂ વਿਯ ‘‘ਮਾਦਿਸਂ ਨਾਮ ਏਸ ਏવਂ વਦਤੀ’’ਤਿ ਭਿਯ੍ਯੋਸੋਮਤ੍ਤਾਯ ਉਦ੍ਧੁਮਾਯਨਭਾવੋ ਦਟ੍ਠਬ੍ਬੋ।
Evamevakhoti ettha idaṃ opammasaṃsandanaṃ – duṭṭhāruko viya hi kodhanapuggalo, tassa attano dhammatāya savanaṃ viya kodhanassapi attano dhammatāya uddhumātassa viya caṇḍikatassa caraṇaṃ, kaṭṭhena vā kaṭhalāya vā ghaṭṭanaṃ viya appamattaṃ vacanaṃ, bhiyyosomattāya savanaṃ viya ‘‘mādisaṃ nāma esa evaṃ vadatī’’ti bhiyyosomattāya uddhumāyanabhāvo daṭṭhabbo.
ਰਤ੍ਤਨ੍ਧਕਾਰਤਿਮਿਸਾਯਨ੍ਤਿ ਰਤ੍ਤਿਂ ਚਕ੍ਖੁવਿਞ੍ਞਾਣੁਪ੍ਪਤ੍ਤਿਨਿવਾਰਣੇਨ ਅਨ੍ਧਭਾવਕਰਣੇ ਬਹਲਤਮੇ। વਿਜ੍ਜਨ੍ਤਰਿਕਾਯਾਤਿ વਿਜ੍ਜੁਪ੍ਪਤ੍ਤਿਕ੍ਖਣੇ। ਇਧਾਪਿ ਇਦਂ ਓਪਮ੍ਮਸਂਸਨ੍ਦਨਂ – ਚਕ੍ਖੁਮਾ ਪੁਰਿਸੋ વਿਯ ਹਿ ਯੋਗਾવਚਰੋ ਦਟ੍ਠਬ੍ਬੋ, ਅਨ੍ਧਕਾਰਂ વਿਯ ਸੋਤਾਪਤ੍ਤਿਮਗ੍ਗવਜ੍ਝਾ ਕਿਲੇਸਾ, વਿਜ੍ਜੁਸਞ੍ਚਰਣਂ વਿਯ ਸੋਤਾਪਤ੍ਤਿਮਗ੍ਗਞਾਣਸ੍ਸ ਉਪ੍ਪਤ੍ਤਿਕਾਲੋ, વਿਜ੍ਜਨ੍ਤਰਿਕਾਯ ਚਕ੍ਖੁਮਤੋ ਪੁਰਿਸਸ੍ਸ ਸਮਨ੍ਤਾ ਰੂਪਦਸ੍ਸਨਂ વਿਯ ਸੋਤਾਪਤ੍ਤਿਮਗ੍ਗਕ੍ਖਣੇ ਨਿਬ੍ਬਾਨਦਸ੍ਸਨਂ, ਪੁਨ ਅਨ੍ਧਕਾਰਾવਤ੍ਥਰਣਂ વਿਯ ਸਕਦਾਗਾਮਿਮਗ੍ਗવਜ੍ਝਾ ਕਿਲੇਸਾ, ਪੁਨ વਿਜ੍ਜੁਸਞ੍ਚਰਣਂ વਿਯ ਸਕਦਾਗਾਮਿਮਗ੍ਗਞਾਣਸ੍ਸ ਉਪ੍ਪਾਦੋ, વਿਜ੍ਜਨ੍ਤਰਿਕਾਯ ਚਕ੍ਖੁਮਤੋ ਪੁਰਿਸਸ੍ਸ ਸਮਨ੍ਤਾ ਰੂਪਦਸ੍ਸਨਂ વਿਯ ਸਕਦਾਗਾਮਿਮਗ੍ਗਕ੍ਖਣੇ ਨਿਬ੍ਬਾਨਦਸ੍ਸਨਂ, ਪੁਨ ਅਨ੍ਧਕਾਰਾવਤ੍ਥਰਣਂ વਿਯ ਅਨਾਗਾਮਿਮਗ੍ਗવਜ੍ਝਾ ਕਿਲੇਸਾ, ਪੁਨ વਿਜ੍ਜੁਸਞ੍ਚਰਣਂ વਿਯ ਅਨਾਗਾਮਿਮਗ੍ਗਞਾਣਸ੍ਸ ਉਪ੍ਪਾਦੋ, વਿਜ੍ਜਨ੍ਤਰਿਕਾਯ ਚਕ੍ਖੁਮਤੋ ਪੁਰਿਸਸ੍ਸ ਸਮਨ੍ਤਾ ਰੂਪਦਸ੍ਸਨਂ વਿਯ ਅਨਾਗਾਮਿਮਗ੍ਗਕ੍ਖਣੇ ਨਿਬ੍ਬਾਨਦਸ੍ਸਨਂ વੇਦਿਤਬ੍ਬਂ।
Rattandhakāratimisāyanti rattiṃ cakkhuviññāṇuppattinivāraṇena andhabhāvakaraṇe bahalatame. Vijjantarikāyāti vijjuppattikkhaṇe. Idhāpi idaṃ opammasaṃsandanaṃ – cakkhumā puriso viya hi yogāvacaro daṭṭhabbo, andhakāraṃ viya sotāpattimaggavajjhā kilesā, vijjusañcaraṇaṃ viya sotāpattimaggañāṇassa uppattikālo, vijjantarikāya cakkhumato purisassa samantā rūpadassanaṃ viya sotāpattimaggakkhaṇe nibbānadassanaṃ, puna andhakārāvattharaṇaṃ viya sakadāgāmimaggavajjhā kilesā, puna vijjusañcaraṇaṃ viya sakadāgāmimaggañāṇassa uppādo, vijjantarikāya cakkhumato purisassa samantā rūpadassanaṃ viya sakadāgāmimaggakkhaṇe nibbānadassanaṃ, puna andhakārāvattharaṇaṃ viya anāgāmimaggavajjhā kilesā, puna vijjusañcaraṇaṃ viya anāgāmimaggañāṇassa uppādo, vijjantarikāya cakkhumato purisassa samantā rūpadassanaṃ viya anāgāmimaggakkhaṇe nibbānadassanaṃ veditabbaṃ.
વਜਿਰੂਪਮਚਿਤ੍ਤਤਾਯਪਿ ਇਦਂ ਓਪਮ੍ਮਸਂਸਨ੍ਦਨਂ – વਜਿਰਂ વਿਯ ਹਿ ਅਰਹਤ੍ਤਮਗ੍ਗਞਾਣਂ ਦਟ੍ਠਬ੍ਬਂ, ਮਣਿਗਣ੍ਠਿਪਾਸਾਣਗਣ੍ਠਿ વਿਯ ਅਰਹਤ੍ਤਮਗ੍ਗવਜ੍ਝਾ ਕਿਲੇਸਾ, વਜਿਰਸ੍ਸ ਮਣਿਗਣ੍ਠਿਮ੍ਪਿ વਾ ਪਾਸਾਣਗਣ੍ਠਿਮ੍ਪਿ વਾ વਿਨਿવਿਜ੍ਝਿਤ੍વਾ ਅਗਮਨਭਾવਸ੍ਸ ਨਤ੍ਥਿਤਾ વਿਯ ਅਰਹਤ੍ਤਮਗ੍ਗਞਾਣੇਨ ਅਚ੍ਛੇਜ੍ਜਾਨਂ ਕਿਲੇਸਾਨਂ ਨਤ੍ਥਿਭਾવੋ, વਜਿਰੇਨ ਨਿਬ੍ਬਿਦ੍ਧવੇਧਸ੍ਸ ਪੁਨ ਅਪਤਿਪੂਰਣਂ વਿਯ ਅਰਹਤ੍ਤਮਗ੍ਗੇਨ ਛਿਨ੍ਨਾਨਂ ਕਿਲੇਸਾਨਂ ਪੁਨ ਅਨੁਪ੍ਪਾਦੋ ਦਟ੍ਠਬ੍ਬੋਤਿ।
Vajirūpamacittatāyapi idaṃ opammasaṃsandanaṃ – vajiraṃ viya hi arahattamaggañāṇaṃ daṭṭhabbaṃ, maṇigaṇṭhipāsāṇagaṇṭhi viya arahattamaggavajjhā kilesā, vajirassa maṇigaṇṭhimpi vā pāsāṇagaṇṭhimpi vā vinivijjhitvā agamanabhāvassa natthitā viya arahattamaggañāṇena acchejjānaṃ kilesānaṃ natthibhāvo, vajirena nibbiddhavedhassa puna apatipūraṇaṃ viya arahattamaggena chinnānaṃ kilesānaṃ puna anuppādo daṭṭhabboti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੫. વਜਿਰੂਪਮਸੁਤ੍ਤਂ • 5. Vajirūpamasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੫. વਜਿਰੂਪਮਸੁਤ੍ਤવਣ੍ਣਨਾ • 5. Vajirūpamasuttavaṇṇanā
