| Library / Tipiṭaka / తిపిటక • Tipiṭaka / మహావగ్గపాళి • Mahāvaggapāḷi |
౧౧౫. వజాదీసు వస్సూపగమనం
115. Vajādīsu vassūpagamanaṃ
౨౦౩. తేన ఖో పన సమయేన అఞ్ఞతరో భిక్ఖు వజే వస్సం ఉపగన్తుకామో హోతి. భగవతో ఏతమత్థం ఆరోచేసుం. అనుజానామి, భిక్ఖవే, వజే వస్సం ఉపగన్తున్తి. వజో వుట్ఠాసి. భగవతో ఏతమత్థం ఆరోచేసుం. అనుజానామి, భిక్ఖవే, యేన వజో తేన గన్తున్తి.
203. Tena kho pana samayena aññataro bhikkhu vaje vassaṃ upagantukāmo hoti. Bhagavato etamatthaṃ ārocesuṃ. Anujānāmi, bhikkhave, vaje vassaṃ upagantunti. Vajo vuṭṭhāsi. Bhagavato etamatthaṃ ārocesuṃ. Anujānāmi, bhikkhave, yena vajo tena gantunti.
తేన ఖో పన సమయేన అఞ్ఞతరో భిక్ఖు ఉపకట్ఠాయ వస్సూపనాయికాయ సత్థేన గన్తుకామో హోతి. భగవతో ఏతమత్థం ఆరోచేసుం. అనుజానామి, భిక్ఖవే, సత్థే వస్సం ఉపగన్తున్తి.
Tena kho pana samayena aññataro bhikkhu upakaṭṭhāya vassūpanāyikāya satthena gantukāmo hoti. Bhagavato etamatthaṃ ārocesuṃ. Anujānāmi, bhikkhave, satthe vassaṃ upagantunti.
తేన ఖో పన సమయేన అఞ్ఞతరో భిక్ఖు ఉపకట్ఠాయ వస్సూపనాయికాయ నావాయ గన్తుకామో హోతి. భగవతో ఏతమత్థం ఆరోచేసుం. అనుజానామి, భిక్ఖవే, నావాయ వస్సం ఉపగన్తున్తి.
Tena kho pana samayena aññataro bhikkhu upakaṭṭhāya vassūpanāyikāya nāvāya gantukāmo hoti. Bhagavato etamatthaṃ ārocesuṃ. Anujānāmi, bhikkhave, nāvāya vassaṃ upagantunti.
వజాదీసు వస్సూపగమనం నిట్ఠితం.
Vajādīsu vassūpagamanaṃ niṭṭhitaṃ.
Related texts:
అట్ఠకథా • Aṭṭhakathā / వినయపిటక (అట్ఠకథా) • Vinayapiṭaka (aṭṭhakathā) / మహావగ్గ-అట్ఠకథా • Mahāvagga-aṭṭhakathā / వజాదీసువస్సూపగమనకథా • Vajādīsuvassūpagamanakathā
టీకా • Tīkā / వినయపిటక (టీకా) • Vinayapiṭaka (ṭīkā) / సారత్థదీపనీ-టీకా • Sāratthadīpanī-ṭīkā / వజాదీసు వస్సూపగమనకథావణ్ణనా • Vajādīsu vassūpagamanakathāvaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / వజిరబుద్ధి-టీకా • Vajirabuddhi-ṭīkā / వజాదీసువస్సూపగమనకథావణ్ణనా • Vajādīsuvassūpagamanakathāvaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / విమతివినోదనీ-టీకా • Vimativinodanī-ṭīkā / వజాదీసు వస్సూపగమనకథావణ్ణనా • Vajādīsu vassūpagamanakathāvaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / పాచిత్యాదియోజనాపాళి • Pācityādiyojanāpāḷi / ౧౧౫. వజాదీసు వస్సూపగమనకథా • 115. Vajādīsu vassūpagamanakathā
