| Library / Tipiṭaka / തിപിടക • Tipiṭaka / അങ്ഗുത്തരനികായ • Aṅguttaranikāya |
൧൦. വാദീസുത്തം
10. Vādīsuttaṃ
൧൪൦. ‘‘ചത്താരോമേ , ഭിക്ഖവേ, വാദീ. കതമേ ചത്താരോ? അത്ഥി , ഭിക്ഖവേ, വാദീ അത്ഥതോ പരിയാദാനം ഗച്ഛതി, നോ ബ്യഞ്ജനതോ; അത്ഥി, ഭിക്ഖവേ, വാദീ ബ്യഞ്ജനതോ പരിയാദാനം ഗച്ഛതി, നോ അത്ഥതോ; അത്ഥി, ഭിക്ഖവേ, വാദീ അത്ഥതോ ച ബ്യഞ്ജനതോ ച പരിയാദാനം ഗച്ഛതി; അത്ഥി, ഭിക്ഖവേ, വാദീ നേവത്ഥതോ നോ ബ്യഞ്ജനതോ പരിയാദാനം ഗച്ഛതി. ഇമേ ഖോ, ഭിക്ഖവേ, ചത്താരോ വാദീ. അട്ഠാനമേതം, ഭിക്ഖവേ, അനവകാസോ യം ചതൂഹി പടിസമ്ഭിദാഹി സമന്നാഗതോ 1 അത്ഥതോ വാ ബ്യഞ്ജനതോ വാ പരിയാദാനം ഗച്ഛേയ്യാ’’തി. ദസമം.
140. ‘‘Cattārome , bhikkhave, vādī. Katame cattāro? Atthi , bhikkhave, vādī atthato pariyādānaṃ gacchati, no byañjanato; atthi, bhikkhave, vādī byañjanato pariyādānaṃ gacchati, no atthato; atthi, bhikkhave, vādī atthato ca byañjanato ca pariyādānaṃ gacchati; atthi, bhikkhave, vādī nevatthato no byañjanato pariyādānaṃ gacchati. Ime kho, bhikkhave, cattāro vādī. Aṭṭhānametaṃ, bhikkhave, anavakāso yaṃ catūhi paṭisambhidāhi samannāgato 2 atthato vā byañjanato vā pariyādānaṃ gaccheyyā’’ti. Dasamaṃ.
പുഗ്ഗലവഗ്ഗോ ചതുത്ഥോ.
Puggalavaggo catuttho.
തസ്സുദ്ദാനം –
Tassuddānaṃ –
സംയോജനം പടിഭാനോ, ഉഗ്ഘടിതഞ്ഞു ഉട്ഠാനം;
Saṃyojanaṃ paṭibhāno, ugghaṭitaññu uṭṭhānaṃ;
സാവജ്ജോ ദ്വേ ച സീലാനി, നികട്ഠ ധമ്മ വാദീ ചാതി.
Sāvajjo dve ca sīlāni, nikaṭṭha dhamma vādī cāti.
Footnotes:
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) / ൧൦. വാദീസുത്തവണ്ണനാ • 10. Vādīsuttavaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൯-൧൦. ധമ്മകഥികസുത്താദിവണ്ണനാ • 9-10. Dhammakathikasuttādivaṇṇanā
