| Library / Tipiṭaka / ติปิฎก • Tipiṭaka / องฺคุตฺตรนิกาย • Aṅguttaranikāya |
๑๐. วาทีสุตฺตํ
10. Vādīsuttaṃ
๑๔๐. ‘‘จตฺตาโรเม , ภิกฺขเว, วาทีฯ กตเม จตฺตาโร? อตฺถิ , ภิกฺขเว, วาที อตฺถโต ปริยาทานํ คจฺฉติ, โน พฺยญฺชนโต; อตฺถิ, ภิกฺขเว, วาที พฺยญฺชนโต ปริยาทานํ คจฺฉติ, โน อตฺถโต; อตฺถิ, ภิกฺขเว, วาที อตฺถโต จ พฺยญฺชนโต จ ปริยาทานํ คจฺฉติ; อตฺถิ, ภิกฺขเว, วาที เนวตฺถโต โน พฺยญฺชนโต ปริยาทานํ คจฺฉติฯ อิเม โข, ภิกฺขเว, จตฺตาโร วาทีฯ อฎฺฐานเมตํ, ภิกฺขเว, อนวกาโส ยํ จตูหิ ปฎิสมฺภิทาหิ สมนฺนาคโต 1 อตฺถโต วา พฺยญฺชนโต วา ปริยาทานํ คเจฺฉยฺยา’’ติฯ ทสมํฯ
140. ‘‘Cattārome , bhikkhave, vādī. Katame cattāro? Atthi , bhikkhave, vādī atthato pariyādānaṃ gacchati, no byañjanato; atthi, bhikkhave, vādī byañjanato pariyādānaṃ gacchati, no atthato; atthi, bhikkhave, vādī atthato ca byañjanato ca pariyādānaṃ gacchati; atthi, bhikkhave, vādī nevatthato no byañjanato pariyādānaṃ gacchati. Ime kho, bhikkhave, cattāro vādī. Aṭṭhānametaṃ, bhikkhave, anavakāso yaṃ catūhi paṭisambhidāhi samannāgato 2 atthato vā byañjanato vā pariyādānaṃ gaccheyyā’’ti. Dasamaṃ.
ปุคฺคลวโคฺค จตุโตฺถฯ
Puggalavaggo catuttho.
ตสฺสุทฺทานํ –
Tassuddānaṃ –
สํโยชนํ ปฎิภาโน, อุคฺฆฎิตญฺญุ อุฎฺฐานํ;
Saṃyojanaṃ paṭibhāno, ugghaṭitaññu uṭṭhānaṃ;
สาวโชฺช เทฺว จ สีลานิ, นิกฎฺฐ ธมฺม วาที จาติฯ
Sāvajjo dve ca sīlāni, nikaṭṭha dhamma vādī cāti.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๑๐. วาทีสุตฺตวณฺณนา • 10. Vādīsuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๙-๑๐. ธมฺมกถิกสุตฺตาทิวณฺณนา • 9-10. Dhammakathikasuttādivaṇṇanā
