| Library / Tipiṭaka / तिपिटक • Tipiṭaka / अङ्गुत्तरनिकाय • Aṅguttaranikāya |
१०. वादीसुत्तं
10. Vādīsuttaṃ
१४०. ‘‘चत्तारोमे , भिक्खवे, वादी। कतमे चत्तारो? अत्थि , भिक्खवे, वादी अत्थतो परियादानं गच्छति, नो ब्यञ्जनतो; अत्थि, भिक्खवे, वादी ब्यञ्जनतो परियादानं गच्छति, नो अत्थतो; अत्थि, भिक्खवे, वादी अत्थतो च ब्यञ्जनतो च परियादानं गच्छति; अत्थि, भिक्खवे, वादी नेवत्थतो नो ब्यञ्जनतो परियादानं गच्छति। इमे खो, भिक्खवे, चत्तारो वादी। अट्ठानमेतं, भिक्खवे, अनवकासो यं चतूहि पटिसम्भिदाहि समन्नागतो 1 अत्थतो वा ब्यञ्जनतो वा परियादानं गच्छेय्या’’ति। दसमं।
140. ‘‘Cattārome , bhikkhave, vādī. Katame cattāro? Atthi , bhikkhave, vādī atthato pariyādānaṃ gacchati, no byañjanato; atthi, bhikkhave, vādī byañjanato pariyādānaṃ gacchati, no atthato; atthi, bhikkhave, vādī atthato ca byañjanato ca pariyādānaṃ gacchati; atthi, bhikkhave, vādī nevatthato no byañjanato pariyādānaṃ gacchati. Ime kho, bhikkhave, cattāro vādī. Aṭṭhānametaṃ, bhikkhave, anavakāso yaṃ catūhi paṭisambhidāhi samannāgato 2 atthato vā byañjanato vā pariyādānaṃ gaccheyyā’’ti. Dasamaṃ.
पुग्गलवग्गो चतुत्थो।
Puggalavaggo catuttho.
तस्सुद्दानं –
Tassuddānaṃ –
संयोजनं पटिभानो, उग्घटितञ्ञु उट्ठानं।
Saṃyojanaṃ paṭibhāno, ugghaṭitaññu uṭṭhānaṃ;
सावज्जो द्वे च सीलानि, निकट्ठ धम्म वादी चाति॥
Sāvajjo dve ca sīlāni, nikaṭṭha dhamma vādī cāti.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā) / १०. वादीसुत्तवण्णना • 10. Vādīsuttavaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / ९-१०. धम्मकथिकसुत्तादिवण्णना • 9-10. Dhammakathikasuttādivaṇṇanā
