| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
১০. ৰাদীসুত্তং
10. Vādīsuttaṃ
১৪০. ‘‘চত্তারোমে , ভিক্খৰে, ৰাদী। কতমে চত্তারো? অত্থি , ভিক্খৰে, ৰাদী অত্থতো পরিযাদানং গচ্ছতি, নো ব্যঞ্জনতো; অত্থি, ভিক্খৰে, ৰাদী ব্যঞ্জনতো পরিযাদানং গচ্ছতি, নো অত্থতো; অত্থি, ভিক্খৰে, ৰাদী অত্থতো চ ব্যঞ্জনতো চ পরিযাদানং গচ্ছতি; অত্থি, ভিক্খৰে, ৰাদী নেৰত্থতো নো ব্যঞ্জনতো পরিযাদানং গচ্ছতি। ইমে খো, ভিক্খৰে, চত্তারো ৰাদী। অট্ঠানমেতং, ভিক্খৰে, অনৰকাসো যং চতূহি পটিসম্ভিদাহি সমন্নাগতো 1 অত্থতো ৰা ব্যঞ্জনতো ৰা পরিযাদানং গচ্ছেয্যা’’তি। দসমং।
140. ‘‘Cattārome , bhikkhave, vādī. Katame cattāro? Atthi , bhikkhave, vādī atthato pariyādānaṃ gacchati, no byañjanato; atthi, bhikkhave, vādī byañjanato pariyādānaṃ gacchati, no atthato; atthi, bhikkhave, vādī atthato ca byañjanato ca pariyādānaṃ gacchati; atthi, bhikkhave, vādī nevatthato no byañjanato pariyādānaṃ gacchati. Ime kho, bhikkhave, cattāro vādī. Aṭṭhānametaṃ, bhikkhave, anavakāso yaṃ catūhi paṭisambhidāhi samannāgato 2 atthato vā byañjanato vā pariyādānaṃ gaccheyyā’’ti. Dasamaṃ.
পুগ্গলৰগ্গো চতুত্থো।
Puggalavaggo catuttho.
তস্সুদ্দানং –
Tassuddānaṃ –
সংযোজনং পটিভানো, উগ্ঘটিতঞ্ঞু উট্ঠানং।
Saṃyojanaṃ paṭibhāno, ugghaṭitaññu uṭṭhānaṃ;
সাৰজ্জো দ্ৰে চ সীলানি, নিকট্ঠ ধম্ম ৰাদী চাতি॥
Sāvajjo dve ca sīlāni, nikaṭṭha dhamma vādī cāti.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ১০. ৰাদীসুত্তৰণ্ণনা • 10. Vādīsuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৯-১০. ধম্মকথিকসুত্তাদিৰণ্ণনা • 9-10. Dhammakathikasuttādivaṇṇanā
