| Library / Tipiṭaka / ತಿಪಿಟಕ • Tipiṭaka / ಥೇರಗಾಥಾಪಾಳಿ • Theragāthāpāḷi |
೫. ವಡ್ಢತ್ಥೇರಗಾಥಾ
5. Vaḍḍhattheragāthā
೩೩೫.
335.
‘‘ಸಾಧೂ ಹಿ ಕಿರ ಮೇ ಮಾತಾ, ಪತೋದಂ ಉಪದಂಸಯಿ।
‘‘Sādhū hi kira me mātā, patodaṃ upadaṃsayi;
ಯಸ್ಸಾಹಂ ವಚನಂ ಸುತ್ವಾ, ಅನುಸಿಟ್ಠೋ ಜನೇತ್ತಿಯಾ।
Yassāhaṃ vacanaṃ sutvā, anusiṭṭho janettiyā;
ಆರದ್ಧವೀರಿಯೋ ಪಹಿತತ್ತೋ, ಪತ್ತೋ ಸಮ್ಬೋಧಿಮುತ್ತಮಂ॥
Āraddhavīriyo pahitatto, patto sambodhimuttamaṃ.
೩೩೬.
336.
‘‘ಅರಹಾ ದಕ್ಖಿಣೇಯ್ಯೋಮ್ಹಿ, ತೇವಿಜ್ಜೋ ಅಮತದ್ದಸೋ।
‘‘Arahā dakkhiṇeyyomhi, tevijjo amataddaso;
ಜೇತ್ವಾ ನಮುಚಿನೋ ಸೇನಂ, ವಿಹರಾಮಿ ಅನಾಸವೋ॥
Jetvā namucino senaṃ, viharāmi anāsavo.
೩೩೭.
337.
‘‘ಅಜ್ಝತ್ತಞ್ಚ ಬಹಿದ್ಧಾ ಚ, ಯೇ ಮೇ ವಿಜ್ಜಿಂಸು ಆಸವಾ।
‘‘Ajjhattañca bahiddhā ca, ye me vijjiṃsu āsavā;
ಸಬ್ಬೇ ಅಸೇಸಾ ಉಚ್ಛಿನ್ನಾ, ನ ಚ ಉಪ್ಪಜ್ಜರೇ ಪುನ॥
Sabbe asesā ucchinnā, na ca uppajjare puna.
೩೩೮.
338.
‘‘ವಿಸಾರದಾ ಖೋ ಭಗಿನೀ, ಏತಮತ್ಥಂ ಅಭಾಸಯಿ।
‘‘Visāradā kho bhaginī, etamatthaṃ abhāsayi;
‘ಅಪಿಹಾ ನೂನ ಮಯಿಪಿ, ವನಥೋ ತೇ ನ ವಿಜ್ಜತಿ’॥
‘Apihā nūna mayipi, vanatho te na vijjati’.
೩೩೯.
339.
‘‘ಪರಿಯನ್ತಕತಂ ದುಕ್ಖಂ, ಅನ್ತಿಮೋಯಂ ಸಮುಸ್ಸಯೋ।
‘‘Pariyantakataṃ dukkhaṃ, antimoyaṃ samussayo;
ಜಾತಿಮರಣಸಂಸಾರೋ, ನತ್ಥಿ ದಾನಿ ಪುನಬ್ಭವೋ’’ತಿ॥
Jātimaraṇasaṃsāro, natthi dāni punabbhavo’’ti.
… ವಡ್ಢೋ ಥೇರೋ…।
… Vaḍḍho thero….
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಥೇರಗಾಥಾ-ಅಟ್ಠಕಥಾ • Theragāthā-aṭṭhakathā / ೫. ವಡ್ಢತ್ಥೇರಗಾಥಾವಣ್ಣನಾ • 5. Vaḍḍhattheragāthāvaṇṇanā
