| Library / Tipiṭaka / তিপিটক • Tipiṭaka / থেরগাথাপাল়ি • Theragāthāpāḷi |
৫. ৰড্ঢত্থেরগাথা
5. Vaḍḍhattheragāthā
৩৩৫.
335.
‘‘সাধূ হি কির মে মাতা, পতোদং উপদংসযি।
‘‘Sādhū hi kira me mātā, patodaṃ upadaṃsayi;
যস্সাহং ৰচনং সুত্ৰা, অনুসিট্ঠো জনেত্তিযা।
Yassāhaṃ vacanaṃ sutvā, anusiṭṭho janettiyā;
আরদ্ধৰীরিযো পহিতত্তো, পত্তো সম্বোধিমুত্তমং॥
Āraddhavīriyo pahitatto, patto sambodhimuttamaṃ.
৩৩৬.
336.
‘‘অরহা দক্খিণেয্যোম্হি, তেৰিজ্জো অমতদ্দসো।
‘‘Arahā dakkhiṇeyyomhi, tevijjo amataddaso;
জেত্ৰা নমুচিনো সেনং, ৰিহরামি অনাসৰো॥
Jetvā namucino senaṃ, viharāmi anāsavo.
৩৩৭.
337.
‘‘অজ্ঝত্তঞ্চ বহিদ্ধা চ, যে মে ৰিজ্জিংসু আসৰা।
‘‘Ajjhattañca bahiddhā ca, ye me vijjiṃsu āsavā;
সব্বে অসেসা উচ্ছিন্না, ন চ উপ্পজ্জরে পুন॥
Sabbe asesā ucchinnā, na ca uppajjare puna.
৩৩৮.
338.
‘‘ৰিসারদা খো ভগিনী, এতমত্থং অভাসযি।
‘‘Visāradā kho bhaginī, etamatthaṃ abhāsayi;
‘অপিহা নূন মযিপি, ৰনথো তে ন ৰিজ্জতি’॥
‘Apihā nūna mayipi, vanatho te na vijjati’.
৩৩৯.
339.
‘‘পরিযন্তকতং দুক্খং, অন্তিমোযং সমুস্সযো।
‘‘Pariyantakataṃ dukkhaṃ, antimoyaṃ samussayo;
জাতিমরণসংসারো, নত্থি দানি পুনব্ভৰো’’তি॥
Jātimaraṇasaṃsāro, natthi dāni punabbhavo’’ti.
… ৰড্ঢো থেরো…।
… Vaḍḍho thero….
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / থেরগাথা-অট্ঠকথা • Theragāthā-aṭṭhakathā / ৫. ৰড্ঢত্থেরগাথাৰণ্ণনা • 5. Vaḍḍhattheragāthāvaṇṇanā
