| Library / Tipiṭaka / ཏིཔིཊཀ • Tipiṭaka / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā |
༥. ཝཙཱིབྷེདཀཐཱཝཎྞནཱ
5. Vacībhedakathāvaṇṇanā
༣༢༦. སོཏི པཋམམགྒཊྛོ། ཏསྨཱཏི ཡསྨཱ ‘‘ཝིརཛཾ ཝཱིཏམལཾ དྷམྨཙཀྑུཾ ཨུདཔཱདི ‘ཡཾ ཀིཉྩི སམུདཡདྷམྨཾ, སབྦཾ ཏཾ ནིརོདྷདྷམྨ’’’ནྟི སུཏྟསྶ ཨཏྠཾ ཨཉྙཐཱ གཧེཏྭཱ ཨུདཡབྦཡཱནུཔསྶནཱནིསྶནྡེན མགྒཀྑཎེཔི དུཀྑནྟི ཝིཔསྶནཱ ཨུཔཊྛཱཏི, ཏསྨཱ ‘‘སོ དུཀྑམིཙྩེཝ ཝཱཙཾ བྷཱསཏཱི’’ཏི ཝདནྟི།
326. Soti paṭhamamaggaṭṭho. Tasmāti yasmā ‘‘virajaṃ vītamalaṃ dhammacakkhuṃ udapādi ‘yaṃ kiñci samudayadhammaṃ, sabbaṃ taṃ nirodhadhamma’’’nti suttassa atthaṃ aññathā gahetvā udayabbayānupassanānissandena maggakkhaṇepi dukkhanti vipassanā upaṭṭhāti, tasmā ‘‘so dukkhamicceva vācaṃ bhāsatī’’ti vadanti.
༣༢༨. ཨིཙྪིཏེཏི པརཝཱདིནཱ སམྤཊིཙྪིཏེ། ཨཱརོཔིཏེཏི ཡུཏྟིནིདྡྷཱརཎེན ཏསྨིཾ ཨཏྠེ པཏིཊྛཱཔིཏེ ཡུཛྫཏི, ཝཙཱིསམུཊྛཱཔནཀྑཎཏོ པན པཙྪཱ ཏཾ སདྡཾ སུཎཱཏཱིཏི ཨིཙྪིཏེ ན ཡུཛྫཏི སོཏཝིཉྙཱཎསྶ པཙྩུཔྤནྣཱརམྨཎཏྟཱཏི ཨདྷིཔྤཱཡོ། ཡསྨཱ པན ཨཏྟནཱ ནིཙྪཱརིཏཾ སདྡཾ ཨཏྟནཱཔི སུཎཱཏི, ཏསྨཱ སོཏཝིཉྙཱཎཾ ‘‘ཡེན ཏཾ སདྡཾ སུཎཱཏཱི’’ཏི ཨཊྛཀཐཱཡཾ ཝུཏྟནྟི དཊྛབྦཾ།
328. Icchiteti paravādinā sampaṭicchite. Āropiteti yuttiniddhāraṇena tasmiṃ atthe patiṭṭhāpite yujjati, vacīsamuṭṭhāpanakkhaṇato pana pacchā taṃ saddaṃ suṇātīti icchite na yujjati sotaviññāṇassa paccuppannārammaṇattāti adhippāyo. Yasmā pana attanā nicchāritaṃ saddaṃ attanāpi suṇāti, tasmā sotaviññāṇaṃ ‘‘yena taṃ saddaṃ suṇātī’’ti aṭṭhakathāyaṃ vuttanti daṭṭhabbaṃ.
༣༣༢. ལོཀུཏྟརམགྒཀྑཎེཏི པཋམཛ྄ཛྷཱནིཀསྶ པཋམམགྒསྶ ཁཎེ། ཨབྷིབྷཱུསུཏྟཱཧརཎེ ཨདྷིཔྤཱཡོ ཝཏྟབྦོཏི ཨེཏེན ཏདཱཧརཎསྶ ཨསམྦནྡྷཏཾ དསྶེཏི། ཏེནཱཧ ‘‘ཏསྨཱ ཨསཱདྷཀ’’ནྟི།
332. Lokuttaramaggakkhaṇeti paṭhamajjhānikassa paṭhamamaggassa khaṇe. Abhibhūsuttāharaṇe adhippāyo vattabboti etena tadāharaṇassa asambandhataṃ dasseti. Tenāha ‘‘tasmā asādhaka’’nti.
ཝཙཱིབྷེདཀཐཱཝཎྞནཱ ནིཊྛིཏཱ།
Vacībhedakathāvaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཀཐཱཝཏྠུཔཱལི༹ • Kathāvatthupāḷi / (༡༤) ༥. ཝཙཱིབྷེདཀཐཱ • (14) 5. Vacībhedakathā
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā / ༥. ཝཙཱིབྷེདཀཐཱཝཎྞནཱ • 5. Vacībhedakathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༥. ཝཙཱིབྷེདཀཐཱཝཎྞནཱ • 5. Vacībhedakathāvaṇṇanā
