| Library / Tipiṭaka / திபிடக • Tipiṭaka / கு²த்³த³ஸிக்கா²-மூலஸிக்கா² • Khuddasikkhā-mūlasikkhā |
16. வச்சப்பஸ்ஸாவட்டா²னிகனித்³தே³ஸவண்ணனா
16. Vaccappassāvaṭṭhānikaniddesavaṇṇanā
156. யதா²வுட்³ட⁴ங் ந கரெய்ய வச்சந்தி ஸம்ப³ந்தோ⁴. யதா²னுபுப்³பி³யா லப்³ப⁴தீதி ஸம்ப³ந்தோ⁴. இமேஸு பன தீஸு டா²னேஸு யோ யோ பட²மங் ஆக³ச்ச²தி வுட்³டோ⁴ வா நவோ வா, ஸோ ஸோ ஆக³தபடிபாடியா காதுஞ்ச நஹாயிதுஞ்ச லப்³ப⁴தீதி அதி⁴ப்பாயோ.
156. Yathāvuḍḍhaṃ na kareyya vaccanti sambandho. Yathānupubbiyā labbhatīti sambandho. Imesu pana tīsu ṭhānesu yo yo paṭhamaṃ āgacchati vuḍḍho vā navo vā, so so āgatapaṭipāṭiyā kātuñca nahāyituñca labbhatīti adhippāyo.
157. உப்³ப⁴ஜித்வாதி (சூளவ॰ 373, 374) நிவாஸனங் தூ³ரதோவ உக்கி²பித்வா நோ பவிஸெய்ய. ஸஹஸா ச நோ பவிஸெய்யாதி ஸம்ப³ந்தோ⁴. ‘‘ப³ஹி டி²தேன உக்காஸிதப்³ப³’’ந்தி ச ‘‘ஸாது⁴கங் அதரமானேன வச்சகுடி பவிஸிதப்³பா³’’தி ச வுத்தத்தா உக்காஸித்வாவ அதரமானோ பவிஸெய்யாதி அத்தோ². ‘‘ந உப்³ப⁴ஜித்வா பவிஸிதப்³பா³, வச்சபாது³காய டி²தேன உப்³ப⁴ஜிதப்³ப³’’ந்தி (சூளவ॰ 374) வசனதோ ‘‘உப்³ப⁴ஜெய்ய பாது³காஸ்வேவ ஸண்டி²தோ’’தி வுத்தங்.
157.Ubbhajitvāti (cūḷava. 373, 374) nivāsanaṃ dūratova ukkhipitvā no paviseyya. Sahasā ca no paviseyyāti sambandho. ‘‘Bahi ṭhitena ukkāsitabba’’nti ca ‘‘sādhukaṃ ataramānena vaccakuṭi pavisitabbā’’ti ca vuttattā ukkāsitvāva ataramāno paviseyyāti attho. ‘‘Na ubbhajitvā pavisitabbā, vaccapādukāya ṭhitena ubbhajitabba’’nti (cūḷava. 374) vacanato ‘‘ubbhajeyya pādukāsveva saṇṭhito’’ti vuttaṃ.
158. ந கரெய்ய உப⁴யங் ந கரெய்யுப⁴யங்.
158. Na kareyya ubhayaṃ na kareyyubhayaṃ.
159. கூபேதி (சூளவ॰ 374) வச்சகூபே. கட்ட²ந்தி அவலேக²னகட்ட²ங். பஸ்ஸாவதோ³ணியா கே²ளங் ந காதப்³ப³ந்தி அத்தோ². நாவலேகெ²ய்ய ப²ருஸேனாதி பா²லிதகட்டே²ன வா க²ரேன வா க³ண்டி²கேன வா கண்டகேன வா ஸுஸிரேன வா பூதினா வா நாவலேகி²தப்³ப³ந்தி அத்தோ². உஹதஞ்சாபீதி கூ³த²மக்கி²தம்பி தோ⁴வயே அத்தனா வா பரேன வா கதந்தி அதி⁴ப்பாயோ.
159.Kūpeti (cūḷava. 374) vaccakūpe. Kaṭṭhanti avalekhanakaṭṭhaṃ. Passāvadoṇiyā kheḷaṃ na kātabbanti attho. Nāvalekheyya pharusenāti phālitakaṭṭhena vā kharena vā gaṇṭhikena vā kaṇṭakena vā susirena vā pūtinā vā nāvalekhitabbanti attho. Uhatañcāpīti gūthamakkhitampi dhovaye attanā vā parena vā katanti adhippāyo.
160. உப்³ப⁴ஜித்வா ந நிக்க²மேதி எத்த² ‘‘வச்சபாது³காய டி²தேன படிச்சா²தே³தப்³ப³’’ந்தி (சூளவ॰ 374) ஹி வுத்தங், புன ‘‘ஆசமனபாது³காயங் டி²தேன உப்³ப⁴ஜிதப்³ப³’’ந்தி (சூளவ॰ 374) ச வுத்தங். ‘‘சபு சபூ’’தி ஸத்³த³ங் கத்வா நாசமெய்யாதி அத்தோ². வச்சப்பஸ்ஸாவட்டா²னிகவினிச்ச²யோ.
160.Ubbhajitvā na nikkhameti ettha ‘‘vaccapādukāya ṭhitena paṭicchādetabba’’nti (cūḷava. 374) hi vuttaṃ, puna ‘‘ācamanapādukāyaṃ ṭhitena ubbhajitabba’’nti (cūḷava. 374) ca vuttaṃ. ‘‘Capu capū’’ti saddaṃ katvā nācameyyāti attho. Vaccappassāvaṭṭhānikavinicchayo.
வச்சப்பஸ்ஸாவட்டா²னிகனித்³தே³ஸவண்ணனா நிட்டி²தா.
Vaccappassāvaṭṭhānikaniddesavaṇṇanā niṭṭhitā.
