| Library / Tipiṭaka / ติปิฎก • Tipiṭaka / ขุทฺทสิกฺขา-มูลสิกฺขา • Khuddasikkhā-mūlasikkhā |
๑๖. วจฺจปสฺสาวฎฺฐานิกนิเทฺทโส
16. Vaccapassāvaṭṭhānikaniddeso
วจฺจปสฺสาวฎฺฐานิกนฺติ –
Vaccapassāvaṭṭhānikanti –
๑๕๖.
156.
น กเรยฺย ยถาวุฑฺฒํ, วจฺจํ ยาตานุปุพฺพิยา;
Na kareyya yathāvuḍḍhaṃ, vaccaṃ yātānupubbiyā;
วจฺจปสฺสาวกุฎิโย, นฺหานติตฺถญฺจ ลพฺภติฯ
Vaccapassāvakuṭiyo, nhānatitthañca labbhati.
๑๕๗.
157.
ปวิเสยฺยุพฺภชิตฺวา โน, สหสา ปวิเสยฺย จ;
Paviseyyubbhajitvā no, sahasā paviseyya ca;
อุกฺกาสิตฺวาวุพฺภเชยฺย, ปาทุกาเสฺวว สณฺฐิโตฯ
Ukkāsitvāvubbhajeyya, pādukāsveva saṇṭhito.
๑๕๘.
158.
น กเร นิตฺถุนํ วจฺจํ, ทนฺตกฎฺฐญฺจ ขาทยํ;
Na kare nitthunaṃ vaccaṃ, dantakaṭṭhañca khādayaṃ;
วจฺจปสฺสาวโทณีนํ, น กเรยฺยุภยํ พหิฯ
Vaccapassāvadoṇīnaṃ, na kareyyubhayaṃ bahi.
๑๕๙.
159.
กูเป กฎฺฐํ น ปาเตยฺย, เขฬํ ปสฺสาวโทณิยา;
Kūpe kaṭṭhaṃ na pāteyya, kheḷaṃ passāvadoṇiyā;
นาวเลเขยฺย ผรุเส-นุหตญฺจาปิ โธวเยฯ
Nāvalekheyya pharuse-nuhatañcāpi dhovaye.
๑๖๐.
160.
น นิกฺขเมยฺย สหสา-วุพฺภชิตฺวา น นิกฺขเม;
Na nikkhameyya sahasā-vubbhajitvā na nikkhame;
จปุ จปุ นาจเมยฺย, อุกฺลาปญฺจ วิโสธเยติฯ
Capu capu nācameyya, uklāpañca visodhayeti.
