| Library / Tipiṭaka / તિપિટક • Tipiṭaka / ખુદ્દસિક્ખા-મૂલસિક્ખા • Khuddasikkhā-mūlasikkhā |
૧૬. વચ્ચપસ્સાવટ્ઠાનિકનિદ્દેસો
16. Vaccapassāvaṭṭhānikaniddeso
વચ્ચપસ્સાવટ્ઠાનિકન્તિ –
Vaccapassāvaṭṭhānikanti –
૧૫૬.
156.
ન કરેય્ય યથાવુડ્ઢં, વચ્ચં યાતાનુપુબ્બિયા;
Na kareyya yathāvuḍḍhaṃ, vaccaṃ yātānupubbiyā;
વચ્ચપસ્સાવકુટિયો, ન્હાનતિત્થઞ્ચ લબ્ભતિ.
Vaccapassāvakuṭiyo, nhānatitthañca labbhati.
૧૫૭.
157.
પવિસેય્યુબ્ભજિત્વા નો, સહસા પવિસેય્ય ચ;
Paviseyyubbhajitvā no, sahasā paviseyya ca;
ઉક્કાસિત્વાવુબ્ભજેય્ય, પાદુકાસ્વેવ સણ્ઠિતો.
Ukkāsitvāvubbhajeyya, pādukāsveva saṇṭhito.
૧૫૮.
158.
ન કરે નિત્થુનં વચ્ચં, દન્તકટ્ઠઞ્ચ ખાદયં;
Na kare nitthunaṃ vaccaṃ, dantakaṭṭhañca khādayaṃ;
વચ્ચપસ્સાવદોણીનં, ન કરેય્યુભયં બહિ.
Vaccapassāvadoṇīnaṃ, na kareyyubhayaṃ bahi.
૧૫૯.
159.
કૂપે કટ્ઠં ન પાતેય્ય, ખેળં પસ્સાવદોણિયા;
Kūpe kaṭṭhaṃ na pāteyya, kheḷaṃ passāvadoṇiyā;
નાવલેખેય્ય ફરુસે-નુહતઞ્ચાપિ ધોવયે.
Nāvalekheyya pharuse-nuhatañcāpi dhovaye.
૧૬૦.
160.
ન નિક્ખમેય્ય સહસા-વુબ્ભજિત્વા ન નિક્ખમે;
Na nikkhameyya sahasā-vubbhajitvā na nikkhame;
ચપુ ચપુ નાચમેય્ય, ઉક્લાપઞ્ચ વિસોધયેતિ.
Capu capu nācameyya, uklāpañca visodhayeti.
