| Library / Tipiṭaka / तिपिटक • Tipiṭaka / खुद्दसिक्खा-मूलसिक्खा • Khuddasikkhā-mūlasikkhā |
१६. वच्चपस्सावट्ठानिकनिद्देसो
16. Vaccapassāvaṭṭhānikaniddeso
वच्चपस्सावट्ठानिकन्ति –
Vaccapassāvaṭṭhānikanti –
१५६.
156.
न करेय्य यथावुड्ढं, वच्चं यातानुपुब्बिया।
Na kareyya yathāvuḍḍhaṃ, vaccaṃ yātānupubbiyā;
वच्चपस्सावकुटियो, न्हानतित्थञ्च लब्भति॥
Vaccapassāvakuṭiyo, nhānatitthañca labbhati.
१५७.
157.
पविसेय्युब्भजित्वा नो, सहसा पविसेय्य च।
Paviseyyubbhajitvā no, sahasā paviseyya ca;
उक्कासित्वावुब्भजेय्य, पादुकास्वेव सण्ठितो॥
Ukkāsitvāvubbhajeyya, pādukāsveva saṇṭhito.
१५८.
158.
न करे नित्थुनं वच्चं, दन्तकट्ठञ्च खादयं।
Na kare nitthunaṃ vaccaṃ, dantakaṭṭhañca khādayaṃ;
वच्चपस्सावदोणीनं, न करेय्युभयं बहि॥
Vaccapassāvadoṇīnaṃ, na kareyyubhayaṃ bahi.
१५९.
159.
कूपे कट्ठं न पातेय्य, खेळं पस्सावदोणिया।
Kūpe kaṭṭhaṃ na pāteyya, kheḷaṃ passāvadoṇiyā;
नावलेखेय्य फरुसे-नुहतञ्चापि धोवये॥
Nāvalekheyya pharuse-nuhatañcāpi dhovaye.
१६०.
160.
न निक्खमेय्य सहसा-वुब्भजित्वा न निक्खमे।
Na nikkhameyya sahasā-vubbhajitvā na nikkhame;
चपु चपु नाचमेय्य, उक्लापञ्च विसोधयेति॥
Capu capu nācameyya, uklāpañca visodhayeti.
