| Library / Tipiṭaka / திபிடக • Tipiṭaka / கங்கா²விதரணீ-அபி⁴னவ-டீகா • Kaṅkhāvitaraṇī-abhinava-ṭīkā |
10. உய்யோதி⁴கஸிக்கா²பத³வண்ணனா
10. Uyyodhikasikkhāpadavaṇṇanā
ஸம்பஹாரட்டா²னஸ்ஸாதி யுத்³த⁴பூ⁴மியா. ப³லஸ்ஸ அக்³க³ங் ஜானந்தீதி ‘‘எத்தகா ஹத்தீ², எத்தகா அஸ்ஸா, எத்தகா ரதா², எத்தகா பத்தீ’’தி (பாசி॰ 324) ப³லஸ்ஸ கொட்டா²ஸங் ஜானந்தி. ‘‘அனுஜானாமி, பி⁴க்க²வே, விஹாரக்³கே³னா’’திஆதீ³ஸு (சூளவ॰ 318) விய கொட்டா²ஸத்தோ² ஹெத்த² அக்³க³ஸத்³தோ³. தேனாஹ ‘‘ப³லக³ணனட்டா²னந்தி அத்தோ²’’தி. ஸேனாய வியூஹந்தி ‘‘இதோ ஹத்தீ² ஹொந்து, இதோ அஸ்ஸா ஹொந்து, இதோ ரதா² ஹொந்து, இதோ பத்தீ ஹொந்தூ’’தி (பாசி॰ 324) ஸேனாய ட²பனங், ராஸிங் கத்வா ட²பனந்தி அத்தோ². தேனாஹ ‘‘ஸேனாஸன்னிவேஸஸ்ஸேதங் நாம’’ந்தி. த்³வாத³ஸபுரிஸோ ஹத்தீ²தி சத்தாரோ ஆரோஹகா, ஏகேகபாத³ரக்க²கா த்³வே த்³வேதி ஏவங் த்³வாத³ஸபுரிஸோ ஹத்தீ². திபுரிஸோ அஸ்ஸோதி ஏகோ ஆரோஹகோ, த்³வே பாத³ரக்க²காதி ஏவங் திபுரிஸோ அஸ்ஸோ. சதுபுரிஸோ ரதோ²தி ஏகோ ஸாரதி², ஏகோ யோதோ⁴, த்³வே ஆணிரக்க²காதி ஏவங் சதுபுரிஸோ ரதோ²தி.
Sampahāraṭṭhānassāti yuddhabhūmiyā. Balassa aggaṃ jānantīti ‘‘ettakā hatthī, ettakā assā, ettakā rathā, ettakā pattī’’ti (pāci. 324) balassa koṭṭhāsaṃ jānanti. ‘‘Anujānāmi, bhikkhave, vihāraggenā’’tiādīsu (cūḷava. 318) viya koṭṭhāsattho hettha aggasaddo. Tenāha ‘‘balagaṇanaṭṭhānanti attho’’ti. Senāya viyūhanti ‘‘ito hatthī hontu, ito assā hontu, ito rathā hontu, ito pattī hontū’’ti (pāci. 324) senāya ṭhapanaṃ, rāsiṃ katvā ṭhapananti attho. Tenāha ‘‘senāsannivesassetaṃ nāma’’nti. Dvādasapuriso hatthīti cattāro ārohakā, ekekapādarakkhakā dve dveti evaṃ dvādasapuriso hatthī. Tipuriso assoti eko ārohako, dve pādarakkhakāti evaṃ tipuriso asso. Catupuriso rathoti eko sārathi, eko yodho, dve āṇirakkhakāti evaṃ catupuriso rathoti.
உய்யோதி⁴கஸிக்கா²பத³வண்ணனா நிட்டி²தா.
Uyyodhikasikkhāpadavaṇṇanā niṭṭhitā.
அசேலகவக்³கோ³ பஞ்சமோ.
Acelakavaggo pañcamo.
