| Library / Tipiṭaka / တိပိဋက • Tipiṭaka / ထေရဂာထာပာဠိ • Theragāthāpāḷi |
၁၀. ဥတ္တိယတ္ထေရဂာထာ
10. Uttiyattheragāthā
၃၀.
30.
‘‘အာဗာဓေ မေ သမုပ္ပန္နေ၊ သတိ မေ ဥဒပဇ္ဇထ။
‘‘Ābādhe me samuppanne, sati me udapajjatha;
အာဗာဓော မေ သမုပ္ပန္နော၊ ကာလော မေ နပ္ပမဇ္ဇိတု’’န္တိ။
Ābādho me samuppanno, kālo me nappamajjitu’’nti.
။ ဥတ္တိယော ထေရော။။
… Uttiyo thero….
ဝဂ္ဂော တတိယော နိဋ္ဌိတော။
Vaggo tatiyo niṭṭhito.
တသ္သုဒ္ဒာနံ –
Tassuddānaṃ –
နိဂ္ရောဓော စိတ္တကော ထေရော၊ ဂောသာလထေရော သုဂန္ဓော။
Nigrodho cittako thero, gosālathero sugandho;
နန္ဒိယော အဘယော ထေရော၊ ထေရော လောမသကင္ဂိယော။
Nandiyo abhayo thero, thero lomasakaṅgiyo;
ဇမ္ဗုဂာမိကပုတ္တော စ၊ ဟာရိတော ဥတ္တိယော ဣသီတိ။
Jambugāmikaputto ca, hārito uttiyo isīti.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / ခုဒ္ဒကနိကာယ (အဋ္ဌကထာ) • Khuddakanikāya (aṭṭhakathā) / ထေရဂာထာ-အဋ္ဌကထာ • Theragāthā-aṭṭhakathā / ၁၀. ဥတ္တိယတ္ထေရဂာထာဝဏ္ဏနာ • 10. Uttiyattheragāthāvaṇṇanā
