| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๘. อุตฺติยเตฺถรอปทานํ
8. Uttiyattheraapadānaṃ
๑๖๙.
169.
‘‘จนฺทภาคานทีตีเร, สุสุมาโร อหํ ตทา;
‘‘Candabhāgānadītīre, susumāro ahaṃ tadā;
๑๗๐.
170.
‘‘สิทฺธโตฺถ ตมฺหิ สมเย, สยมฺภู อคฺคปุคฺคโล;
‘‘Siddhattho tamhi samaye, sayambhū aggapuggalo;
นทิํ ตริตุกาโม โส, นทีติตฺถํ อุปาคมิฯ
Nadiṃ taritukāmo so, nadītitthaṃ upāgami.
๑๗๑.
171.
อุปคนฺตฺวาน สมฺพุทฺธํ, อิมํ วาจํ อุทีรยิํฯ
Upagantvāna sambuddhaṃ, imaṃ vācaṃ udīrayiṃ.
๑๗๒.
172.
‘‘‘อภิรูห มหาวีร, ตาเรสฺสามิ อหํ ตุวํ;
‘‘‘Abhirūha mahāvīra, tāressāmi ahaṃ tuvaṃ;
เปตฺติกํ วิสยํ มยฺหํ, อนุกมฺป มหามุนิ’ฯ
Pettikaṃ visayaṃ mayhaṃ, anukampa mahāmuni’.
๑๗๓.
173.
‘‘มม อุคฺคชฺชนํ สุตฺวา, อภิรูหิ มหามุนิ;
‘‘Mama uggajjanaṃ sutvā, abhirūhi mahāmuni;
หโฎฺฐ หเฎฺฐน จิเตฺตน, ตาเรสิํ โลกนายกํฯ
Haṭṭho haṭṭhena cittena, tāresiṃ lokanāyakaṃ.
๑๗๔.
174.
‘‘นทิยา ปาริเม ตีเร, สิทฺธโตฺถ โลกนายโก;
‘‘Nadiyā pārime tīre, siddhattho lokanāyako;
อสฺสาเสสิ มมํ ตตฺถ, อมตํ ปาปุณิสฺสสิฯ
Assāsesi mamaṃ tattha, amataṃ pāpuṇissasi.
๑๗๕.
175.
‘‘ตมฺหา กายา จวิตฺวาน, เทวโลกํ อาคจฺฉหํ;
‘‘Tamhā kāyā cavitvāna, devalokaṃ āgacchahaṃ;
ทิพฺพสุขํ อนุภวิํ, อจฺฉราหิ ปุรกฺขโตฯ
Dibbasukhaṃ anubhaviṃ, accharāhi purakkhato.
๑๗๖.
176.
‘‘สตฺตกฺขตฺตุญฺจ เทวิโนฺท, เทวรชฺชมกาสหํ;
‘‘Sattakkhattuñca devindo, devarajjamakāsahaṃ;
ตีณิกฺขตฺตุํ จกฺกวตฺตี, มหิยา อิสฺสโร อหุํฯ
Tīṇikkhattuṃ cakkavattī, mahiyā issaro ahuṃ.
๑๗๗.
177.
‘‘วิเวกมนุยุโตฺตหํ , นิปโก จ สุสํวุโต;
‘‘Vivekamanuyuttohaṃ , nipako ca susaṃvuto;
ธาเรมิ อนฺติมํ เทหํ, สมฺมาสมฺพุทฺธสาสเนฯ
Dhāremi antimaṃ dehaṃ, sammāsambuddhasāsane.
๑๗๘.
178.
‘‘จตุนฺนวุติโต กเปฺป, ตาเรสิํ ยํ นราสภํ;
‘‘Catunnavutito kappe, tāresiṃ yaṃ narāsabhaṃ;
ทุคฺคติํ นาภิชานามิ, ตรณาย อิทํ ผลํฯ
Duggatiṃ nābhijānāmi, taraṇāya idaṃ phalaṃ.
๑๗๙.
179.
‘‘ปฎิสมฺภิทา จตโสฺส, วิโมกฺขาปิ จ อฎฺฐิเม;
‘‘Paṭisambhidā catasso, vimokkhāpi ca aṭṭhime;
ฉฬภิญฺญา สจฺฉิกตา, กตํ พุทฺธสฺส สาสนํ’’ฯ
Chaḷabhiññā sacchikatā, kataṃ buddhassa sāsanaṃ’’.
อิตฺถํ สุทํ อายสฺมา อุตฺติโย 5 เถโร อิมา คาถาโย อภาสิตฺถาติฯ
Itthaṃ sudaṃ āyasmā uttiyo 6 thero imā gāthāyo abhāsitthāti.
อุตฺติยเตฺถรสฺสาปทานํ อฎฺฐมํฯ
Uttiyattherassāpadānaṃ aṭṭhamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๘. อุตฺติยเตฺถรอปทานวณฺณนา • 8. Uttiyattheraapadānavaṇṇanā
