| Library / Tipiṭaka / तिपिटक • Tipiṭaka / अपदानपाळि • Apadānapāḷi |
८. उत्तियत्थेरअपदानं
8. Uttiyattheraapadānaṃ
१६९.
169.
‘‘चन्दभागानदीतीरे, सुसुमारो अहं तदा।
‘‘Candabhāgānadītīre, susumāro ahaṃ tadā;
१७०.
170.
‘‘सिद्धत्थो तम्हि समये, सयम्भू अग्गपुग्गलो।
‘‘Siddhattho tamhi samaye, sayambhū aggapuggalo;
नदिं तरितुकामो सो, नदीतित्थं उपागमि॥
Nadiṃ taritukāmo so, nadītitthaṃ upāgami.
१७१.
171.
उपगन्त्वान सम्बुद्धं, इमं वाचं उदीरयिं॥
Upagantvāna sambuddhaṃ, imaṃ vācaṃ udīrayiṃ.
१७२.
172.
‘‘‘अभिरूह महावीर, तारेस्सामि अहं तुवं।
‘‘‘Abhirūha mahāvīra, tāressāmi ahaṃ tuvaṃ;
पेत्तिकं विसयं मय्हं, अनुकम्प महामुनि’॥
Pettikaṃ visayaṃ mayhaṃ, anukampa mahāmuni’.
१७३.
173.
‘‘मम उग्गज्जनं सुत्वा, अभिरूहि महामुनि।
‘‘Mama uggajjanaṃ sutvā, abhirūhi mahāmuni;
हट्ठो हट्ठेन चित्तेन, तारेसिं लोकनायकं॥
Haṭṭho haṭṭhena cittena, tāresiṃ lokanāyakaṃ.
१७४.
174.
‘‘नदिया पारिमे तीरे, सिद्धत्थो लोकनायको।
‘‘Nadiyā pārime tīre, siddhattho lokanāyako;
अस्सासेसि ममं तत्थ, अमतं पापुणिस्ससि॥
Assāsesi mamaṃ tattha, amataṃ pāpuṇissasi.
१७५.
175.
‘‘तम्हा काया चवित्वान, देवलोकं आगच्छहं।
‘‘Tamhā kāyā cavitvāna, devalokaṃ āgacchahaṃ;
दिब्बसुखं अनुभविं, अच्छराहि पुरक्खतो॥
Dibbasukhaṃ anubhaviṃ, accharāhi purakkhato.
१७६.
176.
‘‘सत्तक्खत्तुञ्च देविन्दो, देवरज्जमकासहं।
‘‘Sattakkhattuñca devindo, devarajjamakāsahaṃ;
तीणिक्खत्तुं चक्कवत्ती, महिया इस्सरो अहुं॥
Tīṇikkhattuṃ cakkavattī, mahiyā issaro ahuṃ.
१७७.
177.
‘‘विवेकमनुयुत्तोहं , निपको च सुसंवुतो।
‘‘Vivekamanuyuttohaṃ , nipako ca susaṃvuto;
धारेमि अन्तिमं देहं, सम्मासम्बुद्धसासने॥
Dhāremi antimaṃ dehaṃ, sammāsambuddhasāsane.
१७८.
178.
‘‘चतुन्नवुतितो कप्पे, तारेसिं यं नरासभं।
‘‘Catunnavutito kappe, tāresiṃ yaṃ narāsabhaṃ;
दुग्गतिं नाभिजानामि, तरणाय इदं फलं॥
Duggatiṃ nābhijānāmi, taraṇāya idaṃ phalaṃ.
१७९.
179.
‘‘पटिसम्भिदा चतस्सो, विमोक्खापि च अट्ठिमे।
‘‘Paṭisambhidā catasso, vimokkhāpi ca aṭṭhime;
छळभिञ्ञा सच्छिकता, कतं बुद्धस्स सासनं’’॥
Chaḷabhiññā sacchikatā, kataṃ buddhassa sāsanaṃ’’.
इत्थं सुदं आयस्मा उत्तियो 5 थेरो इमा गाथायो अभासित्थाति।
Itthaṃ sudaṃ āyasmā uttiyo 6 thero imā gāthāyo abhāsitthāti.
उत्तियत्थेरस्सापदानं अट्ठमं।
Uttiyattherassāpadānaṃ aṭṭhamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ८. उत्तियत्थेरअपदानवण्णना • 8. Uttiyattheraapadānavaṇṇanā
