8. உத்தியத்தே²ரஅபதா³னங்

169.

‘‘சந்த³பா⁴கா³னதீ³தீரே, ஸுஸுமாரோ அஹங் ததா³;

ஸகோ³சரப்பஸுதோஹங் ¹, நதீ³தித்த²ங் அக³ச்ச²ஹங்.

170.

‘‘ஸித்³த⁴த்தோ² தம்ஹி ஸமயே, ஸயம்பூ⁴ அக்³க³புக்³க³லோ;

நதி³ங் தரிதுகாமோ ஸோ, நதீ³தித்த²ங் உபாக³மி.

171.

‘‘உபாக³தே ச ³ ஸம்பு³த்³தே⁴, அஹம்பி தத்து²பாக³மிங்;

உபக³ந்த்வான ஸம்பு³த்³த⁴ங், இமங் வாசங் உதீ³ரயிங்.

172.

‘‘‘அபி⁴ரூஹ மஹாவீர, தாரெஸ்ஸாமி அஹங் துவங்;

பெத்திகங் விஸயங் மய்ஹங், அனுகம்ப மஹாமுனி’.

173.

‘‘மம உக்³க³ஜ்ஜனங் ஸுத்வா, அபி⁴ரூஹி மஹாமுனி;

ஹட்டோ² ஹட்டே²ன சித்தேன, தாரேஸிங் லோகனாயகங்.

174.

‘‘நதி³யா பாரிமே தீரே, ஸித்³த⁴த்தோ² லோகனாயகோ;

அஸ்ஸாஸேஸி மமங் தத்த², அமதங் பாபுணிஸ்ஸஸி.

175.

‘‘தம்ஹா காயா சவித்வான, தே³வலோகங் ஆக³ச்ச²ஹங்;

தி³ப்³ப³ஸுக²ங் அனுப⁴விங், அச்ச²ராஹி புரக்க²தோ.

176.

‘‘ஸத்தக்க²த்துஞ்ச தே³விந்தோ³, தே³வரஜ்ஜமகாஸஹங்;

தீணிக்க²த்துங் சக்கவத்தீ, மஹியா இஸ்ஸரோ அஹுங்.

177.

‘‘விவேகமனுயுத்தோஹங் , நிபகோ ச ஸுஸங்வுதோ;

தா⁴ரேமி அந்திமங் தே³ஹங், ஸம்மாஸம்பு³த்³த⁴ஸாஸனே.

178.

‘‘சதுன்னவுதிதோ கப்பே, தாரேஸிங் யங் நராஸப⁴ங்;

து³க்³க³திங் நாபி⁴ஜானாமி, தரணாய இத³ங் ப²லங்.

179.

‘‘படிஸம்பி⁴தா³ சதஸ்ஸோ, விமொக்கா²பி ச அட்டி²மே;

ச²ளபி⁴ஞ்ஞா ஸச்சி²கதா, கதங் பு³த்³த⁴ஸ்ஸ ஸாஸனங்’’.

இத்த²ங் ஸுத³ங் ஆயஸ்மா உத்தியோ ⁵ தே²ரோ இமா கா³தா²யோ அபா⁴ஸித்தா²தி.

உத்தியத்தே²ரஸ்ஸாபதா³னங் அட்ட²மங்.