| Library / Tipiṭaka / തിപിടക • Tipiṭaka / അങ്ഗുത്തരനികായ • Aṅguttaranikāya |
൩. ഉത്തരിമനുസ്സധമ്മസുത്തം
3. Uttarimanussadhammasuttaṃ
൭൭. ‘‘ഛ, ഭിക്ഖവേ, ധമ്മേ അപ്പഹായ അഭബ്ബോ ഉത്തരിമനുസ്സധമ്മം അലമരിയഞാണദസ്സനവിസേസം സച്ഛികാതും. കതമേ ഛ? മുട്ഠസ്സച്ചം, അസമ്പജഞ്ഞം, ഇന്ദ്രിയേസു അഗുത്തദ്വാരതം, ഭോജനേ അമത്തഞ്ഞുതം, കുഹനം, ലപനം. ഇമേ ഖോ, ഭിക്ഖവേ, ഛ ധമ്മേ അപ്പഹായ അഭബ്ബോ ഉത്തരിമനുസ്സധമ്മം അലമരിയഞാണദസ്സനവിസേസം സച്ഛികാതും.
77. ‘‘Cha, bhikkhave, dhamme appahāya abhabbo uttarimanussadhammaṃ alamariyañāṇadassanavisesaṃ sacchikātuṃ. Katame cha? Muṭṭhassaccaṃ, asampajaññaṃ, indriyesu aguttadvārataṃ, bhojane amattaññutaṃ, kuhanaṃ, lapanaṃ. Ime kho, bhikkhave, cha dhamme appahāya abhabbo uttarimanussadhammaṃ alamariyañāṇadassanavisesaṃ sacchikātuṃ.
‘‘ഛ, ഭിക്ഖവേ, ധമ്മേ പഹായ ഭബ്ബോ ഉത്തരിമനുസ്സധമ്മം അലമരിയഞാണദസ്സനവിസേസം സച്ഛികാതും. കതമേ ഛ? മുട്ഠസ്സച്ചം, അസമ്പജഞ്ഞം, ഇന്ദ്രിയേസു അഗുത്തദ്വാരതം, ഭോജനേ അമത്തഞ്ഞുതം, കുഹനം, ലപനം. ഇമേ ഖോ, ഭിക്ഖവേ, ഛ ധമ്മേ പഹായ ഭബ്ബോ ഉത്തരിമനുസ്സധമ്മം അലമരിയഞാണദസ്സനവിസേസം സച്ഛികാതു’’ന്തി. തതിയം.
‘‘Cha, bhikkhave, dhamme pahāya bhabbo uttarimanussadhammaṃ alamariyañāṇadassanavisesaṃ sacchikātuṃ. Katame cha? Muṭṭhassaccaṃ, asampajaññaṃ, indriyesu aguttadvārataṃ, bhojane amattaññutaṃ, kuhanaṃ, lapanaṃ. Ime kho, bhikkhave, cha dhamme pahāya bhabbo uttarimanussadhammaṃ alamariyañāṇadassanavisesaṃ sacchikātu’’nti. Tatiyaṃ.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) / ൩. ഉത്തരിമനുസ്സധമ്മസുത്തവണ്ണനാ • 3. Uttarimanussadhammasuttavaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൧-൩. ദുക്ഖസുത്താദിവണ്ണനാ • 1-3. Dukkhasuttādivaṇṇanā
