| Library / Tipiṭaka / తిపిటక • Tipiṭaka / అఙ్గుత్తరనికాయ • Aṅguttaranikāya |
౩. ఉత్తరిమనుస్సధమ్మసుత్తం
3. Uttarimanussadhammasuttaṃ
౭౭. ‘‘ఛ, భిక్ఖవే, ధమ్మే అప్పహాయ అభబ్బో ఉత్తరిమనుస్సధమ్మం అలమరియఞాణదస్సనవిసేసం సచ్ఛికాతుం. కతమే ఛ? ముట్ఠస్సచ్చం, అసమ్పజఞ్ఞం, ఇన్ద్రియేసు అగుత్తద్వారతం, భోజనే అమత్తఞ్ఞుతం, కుహనం, లపనం. ఇమే ఖో, భిక్ఖవే, ఛ ధమ్మే అప్పహాయ అభబ్బో ఉత్తరిమనుస్సధమ్మం అలమరియఞాణదస్సనవిసేసం సచ్ఛికాతుం.
77. ‘‘Cha, bhikkhave, dhamme appahāya abhabbo uttarimanussadhammaṃ alamariyañāṇadassanavisesaṃ sacchikātuṃ. Katame cha? Muṭṭhassaccaṃ, asampajaññaṃ, indriyesu aguttadvārataṃ, bhojane amattaññutaṃ, kuhanaṃ, lapanaṃ. Ime kho, bhikkhave, cha dhamme appahāya abhabbo uttarimanussadhammaṃ alamariyañāṇadassanavisesaṃ sacchikātuṃ.
‘‘ఛ, భిక్ఖవే, ధమ్మే పహాయ భబ్బో ఉత్తరిమనుస్సధమ్మం అలమరియఞాణదస్సనవిసేసం సచ్ఛికాతుం. కతమే ఛ? ముట్ఠస్సచ్చం, అసమ్పజఞ్ఞం, ఇన్ద్రియేసు అగుత్తద్వారతం, భోజనే అమత్తఞ్ఞుతం, కుహనం, లపనం. ఇమే ఖో, భిక్ఖవే, ఛ ధమ్మే పహాయ భబ్బో ఉత్తరిమనుస్సధమ్మం అలమరియఞాణదస్సనవిసేసం సచ్ఛికాతు’’న్తి. తతియం.
‘‘Cha, bhikkhave, dhamme pahāya bhabbo uttarimanussadhammaṃ alamariyañāṇadassanavisesaṃ sacchikātuṃ. Katame cha? Muṭṭhassaccaṃ, asampajaññaṃ, indriyesu aguttadvārataṃ, bhojane amattaññutaṃ, kuhanaṃ, lapanaṃ. Ime kho, bhikkhave, cha dhamme pahāya bhabbo uttarimanussadhammaṃ alamariyañāṇadassanavisesaṃ sacchikātu’’nti. Tatiyaṃ.
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) / ౩. ఉత్తరిమనుస్సధమ్మసుత్తవణ్ణనా • 3. Uttarimanussadhammasuttavaṇṇanā
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౧-౩. దుక్ఖసుత్తాదివణ్ణనా • 1-3. Dukkhasuttādivaṇṇanā
