| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৩. উত্তরিমনুস্সধম্মসুত্তং
3. Uttarimanussadhammasuttaṃ
৭৭. ‘‘ছ, ভিক্খৰে, ধম্মে অপ্পহায অভব্বো উত্তরিমনুস্সধম্মং অলমরিযঞাণদস্সনৰিসেসং সচ্ছিকাতুং। কতমে ছ? মুট্ঠস্সচ্চং, অসম্পজঞ্ঞং, ইন্দ্রিযেসু অগুত্তদ্ৰারতং, ভোজনে অমত্তঞ্ঞুতং, কুহনং, লপনং। ইমে খো, ভিক্খৰে, ছ ধম্মে অপ্পহায অভব্বো উত্তরিমনুস্সধম্মং অলমরিযঞাণদস্সনৰিসেসং সচ্ছিকাতুং।
77. ‘‘Cha, bhikkhave, dhamme appahāya abhabbo uttarimanussadhammaṃ alamariyañāṇadassanavisesaṃ sacchikātuṃ. Katame cha? Muṭṭhassaccaṃ, asampajaññaṃ, indriyesu aguttadvārataṃ, bhojane amattaññutaṃ, kuhanaṃ, lapanaṃ. Ime kho, bhikkhave, cha dhamme appahāya abhabbo uttarimanussadhammaṃ alamariyañāṇadassanavisesaṃ sacchikātuṃ.
‘‘ছ, ভিক্খৰে, ধম্মে পহায ভব্বো উত্তরিমনুস্সধম্মং অলমরিযঞাণদস্সনৰিসেসং সচ্ছিকাতুং। কতমে ছ? মুট্ঠস্সচ্চং, অসম্পজঞ্ঞং, ইন্দ্রিযেসু অগুত্তদ্ৰারতং, ভোজনে অমত্তঞ্ঞুতং, কুহনং, লপনং। ইমে খো, ভিক্খৰে, ছ ধম্মে পহায ভব্বো উত্তরিমনুস্সধম্মং অলমরিযঞাণদস্সনৰিসেসং সচ্ছিকাতু’’ন্তি। ততিযং।
‘‘Cha, bhikkhave, dhamme pahāya bhabbo uttarimanussadhammaṃ alamariyañāṇadassanavisesaṃ sacchikātuṃ. Katame cha? Muṭṭhassaccaṃ, asampajaññaṃ, indriyesu aguttadvārataṃ, bhojane amattaññutaṃ, kuhanaṃ, lapanaṃ. Ime kho, bhikkhave, cha dhamme pahāya bhabbo uttarimanussadhammaṃ alamariyañāṇadassanavisesaṃ sacchikātu’’nti. Tatiyaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৩. উত্তরিমনুস্সধম্মসুত্তৰণ্ণনা • 3. Uttarimanussadhammasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১-৩. দুক্খসুত্তাদিৰণ্ণনা • 1-3. Dukkhasuttādivaṇṇanā
