| Library / Tipiṭaka / തിപിടക • Tipiṭaka / ഥേരീഗാഥാപാളി • Therīgāthāpāḷi |
൨. ഉത്തമാഥേരീഗാഥാ
2. Uttamātherīgāthā
൪൨.
42.
‘‘ചതുക്ഖത്തും പഞ്ചക്ഖത്തും, വിഹാരാ ഉപനിക്ഖമിം;
‘‘Catukkhattuṃ pañcakkhattuṃ, vihārā upanikkhamiṃ;
അലദ്ധാ ചേതസോ സന്തിം, ചിത്തേ അവസവത്തിനീ.
Aladdhā cetaso santiṃ, citte avasavattinī.
൪൩.
43.
‘‘സാ ഭിക്ഖുനിം ഉപഗച്ഛിം, യാ മേ സദ്ധായികാ അഹു;
‘‘Sā bhikkhuniṃ upagacchiṃ, yā me saddhāyikā ahu;
സാ മേ ധമ്മമദേസേസി, ഖന്ധായതനധാതുയോ.
Sā me dhammamadesesi, khandhāyatanadhātuyo.
൪൪.
44.
‘‘തസ്സാ ധമ്മം സുണിത്വാന, യഥാ മം അനുസാസി സാ;
‘‘Tassā dhammaṃ suṇitvāna, yathā maṃ anusāsi sā;
സത്താഹം ഏകപല്ലങ്കേന, നിസീദിം പീതിസുഖസമപ്പിതാ 1;
Sattāhaṃ ekapallaṅkena, nisīdiṃ pītisukhasamappitā 2;
അട്ഠമിയാ പാദേ പസാരേസിം, തമോഖന്ധം പദാലിയാ’’തി.
Aṭṭhamiyā pāde pasāresiṃ, tamokhandhaṃ padāliyā’’ti.
… ഉത്തമാ ഥേരീ….
… Uttamā therī….
Footnotes:
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / ഖുദ്ദകനികായ (അട്ഠകഥാ) • Khuddakanikāya (aṭṭhakathā) / ഥേരീഗാഥാ-അട്ഠകഥാ • Therīgāthā-aṭṭhakathā / ൨. ഉത്തമാഥേരീഗാഥാവണ്ണനാ • 2. Uttamātherīgāthāvaṇṇanā
