| Library / Tipiṭaka / තිපිටක • Tipiṭaka / ථෙරීගාථාපාළි • Therīgāthāpāḷi |
2. උත්තමාථෙරීගාථා
2. Uttamātherīgāthā
42.
42.
‘‘චතුක්ඛත්තුං පඤ්චක්ඛත්තුං, විහාරා උපනික්ඛමිං;
‘‘Catukkhattuṃ pañcakkhattuṃ, vihārā upanikkhamiṃ;
අලද්ධා චෙතසො සන්තිං, චිත්තෙ අවසවත්තිනී.
Aladdhā cetaso santiṃ, citte avasavattinī.
43.
43.
‘‘සා භික්ඛුනිං උපගච්ඡිං, යා මෙ සද්ධායිකා අහු;
‘‘Sā bhikkhuniṃ upagacchiṃ, yā me saddhāyikā ahu;
සා මෙ ධම්මමදෙසෙසි, ඛන්ධායතනධාතුයො.
Sā me dhammamadesesi, khandhāyatanadhātuyo.
44.
44.
‘‘තස්සා ධම්මං සුණිත්වාන, යථා මං අනුසාසි සා;
‘‘Tassā dhammaṃ suṇitvāna, yathā maṃ anusāsi sā;
සත්තාහං එකපල්ලඞ්කෙන, නිසීදිං පීතිසුඛසමප්පිතා 1;
Sattāhaṃ ekapallaṅkena, nisīdiṃ pītisukhasamappitā 2;
අට්ඨමියා පාදෙ පසාරෙසිං, තමොඛන්ධං පදාලියා’’ති.
Aṭṭhamiyā pāde pasāresiṃ, tamokhandhaṃ padāliyā’’ti.
… උත්තමා ථෙරී….
… Uttamā therī….
Footnotes:
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / ඛුද්දකනිකාය (අට්ඨකථා) • Khuddakanikāya (aṭṭhakathā) / ථෙරීගාථා-අට්ඨකථා • Therīgāthā-aṭṭhakathā / 2. උත්තමාථෙරීගාථාවණ්ණනා • 2. Uttamātherīgāthāvaṇṇanā
