| Library / Tipiṭaka / တိပိဋက • Tipiṭaka / ထေရီဂာထာပာဠိ • Therīgāthāpāḷi |
၂. ဥတ္တမာထေရီဂာထာ
2. Uttamātherīgāthā
၄၂.
42.
‘‘စတုက္ခတ္တုံ ပဉ္စက္ခတ္တုံ၊ ဝိဟာရာ ဥပနိက္ခမိံ။
‘‘Catukkhattuṃ pañcakkhattuṃ, vihārā upanikkhamiṃ;
အလဒ္ဓာ စေတသော သန္တိံ၊ စိတ္တေ အဝသဝတ္တိနီ။
Aladdhā cetaso santiṃ, citte avasavattinī.
၄၃.
43.
‘‘သာ ဘိက္ခုနိံ ဥပဂစ္ဆိံ၊ ယာ မေ သဒ္ဓာယိကာ အဟု။
‘‘Sā bhikkhuniṃ upagacchiṃ, yā me saddhāyikā ahu;
သာ မေ ဓမ္မမဒေသေသိ၊ ခန္ဓာယတနဓာတုယော။
Sā me dhammamadesesi, khandhāyatanadhātuyo.
၄၄.
44.
‘‘တသ္သာ ဓမ္မံ သုဏိတ္ဝာန၊ ယထာ မံ အနုသာသိ သာ။
‘‘Tassā dhammaṃ suṇitvāna, yathā maṃ anusāsi sā;
သတ္တာဟံ ဧကပလ္လင္ကေန၊ နိသီဒိံ ပီတိသုခသမပ္ပိတာ 1။
Sattāhaṃ ekapallaṅkena, nisīdiṃ pītisukhasamappitā 2;
အဋ္ဌမိယာ ပာဒေ ပသာရေသိံ၊ တမောခန္ဓံ ပဒာလိယာ’’တိ။
Aṭṭhamiyā pāde pasāresiṃ, tamokhandhaṃ padāliyā’’ti.
။ ဥတ္တမာ ထေရီ။။
… Uttamā therī….
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / ခုဒ္ဒကနိကာယ (အဋ္ဌကထာ) • Khuddakanikāya (aṭṭhakathā) / ထေရီဂာထာ-အဋ္ဌကထာ • Therīgāthā-aṭṭhakathā / ၂. ဥတ္တမာထေရီဂာထာဝဏ္ဏနာ • 2. Uttamātherīgāthāvaṇṇanā
