| Library / Tipiṭaka / তিপিটক • Tipiṭaka / থেরীগাথাপাল়ি • Therīgāthāpāḷi |
২. উত্তমাথেরীগাথা
2. Uttamātherīgāthā
৪২.
42.
‘‘চতুক্খত্তুং পঞ্চক্খত্তুং, ৰিহারা উপনিক্খমিং।
‘‘Catukkhattuṃ pañcakkhattuṃ, vihārā upanikkhamiṃ;
অলদ্ধা চেতসো সন্তিং, চিত্তে অৰসৰত্তিনী॥
Aladdhā cetaso santiṃ, citte avasavattinī.
৪৩.
43.
‘‘সা ভিক্খুনিং উপগচ্ছিং, যা মে সদ্ধাযিকা অহু।
‘‘Sā bhikkhuniṃ upagacchiṃ, yā me saddhāyikā ahu;
সা মে ধম্মমদেসেসি, খন্ধাযতনধাতুযো॥
Sā me dhammamadesesi, khandhāyatanadhātuyo.
৪৪.
44.
‘‘তস্সা ধম্মং সুণিত্ৰান, যথা মং অনুসাসি সা।
‘‘Tassā dhammaṃ suṇitvāna, yathā maṃ anusāsi sā;
সত্তাহং একপল্লঙ্কেন, নিসীদিং পীতিসুখসমপ্পিতা 1।
Sattāhaṃ ekapallaṅkena, nisīdiṃ pītisukhasamappitā 2;
অট্ঠমিযা পাদে পসারেসিং, তমোখন্ধং পদালিযা’’তি॥
Aṭṭhamiyā pāde pasāresiṃ, tamokhandhaṃ padāliyā’’ti.
… উত্তমা থেরী…।
… Uttamā therī….
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / থেরীগাথা-অট্ঠকথা • Therīgāthā-aṭṭhakathā / ২. উত্তমাথেরীগাথাৰণ্ণনা • 2. Uttamātherīgāthāvaṇṇanā
