| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၂. ဥသ္သင္ကိတသုတ္တံ
2. Ussaṅkitasuttaṃ
၁၀၂. ‘‘ပဉ္စဟိ , ဘိက္ခဝေ, ဓမ္မေဟိ သမန္နာဂတော ဘိက္ခု ဥသ္သင္ကိတပရိသင္ကိတော ဟောတိ ပာပဘိက္ခူတိ အပိ အကုပ္ပဓမ္မောပိ 1။
102. ‘‘Pañcahi , bhikkhave, dhammehi samannāgato bhikkhu ussaṅkitaparisaṅkito hoti pāpabhikkhūti api akuppadhammopi 2.
ကတမေဟိ ပဉ္စဟိ? ဣဓ, ဘိက္ခဝေ, ဘိက္ခု ဝေသိယာဂောစရော ဝာ ဟောတိ, ဝိဓဝာဂောစရော ဝာ ဟောတိ, ထုလ္လကုမာရိကာဂောစရော ဝာ ဟောတိ, ပဏ္ဍကဂောစရော ဝာ ဟောတိ, ဘိက္ခုနီဂောစရော ဝာ ဟောတိ။
Katamehi pañcahi? Idha, bhikkhave, bhikkhu vesiyāgocaro vā hoti, vidhavāgocaro vā hoti, thullakumārikāgocaro vā hoti, paṇḍakagocaro vā hoti, bhikkhunīgocaro vā hoti.
‘‘ဣမေဟိ ခော, ဘိက္ခဝေ, ပဉ္စဟိ ဓမ္မေဟိ သမန္နာဂတော ဘိက္ခု ဥသ္သင္ကိတပရိသင္ကိတော ဟောတိ ပာပဘိက္ခူတိ အပိ အကုပ္ပဓမ္မောပီ’’တိ။ ဒုတိယံ။
‘‘Imehi kho, bhikkhave, pañcahi dhammehi samannāgato bhikkhu ussaṅkitaparisaṅkito hoti pāpabhikkhūti api akuppadhammopī’’ti. Dutiyaṃ.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၂. ဥသ္သင္ကိတသုတ္တဝဏ္ဏနာ • 2. Ussaṅkitasuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁-၄. သာရဇ္ဇသုတ္တာဒိဝဏ္ဏနာ • 1-4. Sārajjasuttādivaṇṇanā
