| Library / Tipiṭaka / ติปิฎก • Tipiṭaka / เถรคาถาปาฬิ • Theragāthāpāḷi |
๖. ฉกฺกนิปาโต
6. Chakkanipāto
๑. อุรุเวฬกสฺสปเตฺถรคาถา
1. Uruveḷakassapattheragāthā
๓๗๕.
375.
‘‘ทิสฺวาน ปาฎิหีรานิ, โคตมสฺส ยสสฺสิโน;
‘‘Disvāna pāṭihīrāni, gotamassa yasassino;
น ตาวาหํ ปณิปติํ, อิสฺสามาเนน วญฺจิโตฯ
Na tāvāhaṃ paṇipatiṃ, issāmānena vañcito.
๓๗๖.
376.
‘‘มม สงฺกปฺปมญฺญาย, โจเทสิ นรสารถิ;
‘‘Mama saṅkappamaññāya, codesi narasārathi;
ตโต เม อาสิ สํเวโค, อพฺภุโต โลมหํสโนฯ
Tato me āsi saṃvego, abbhuto lomahaṃsano.
๓๗๗.
377.
‘‘ปุเพฺพ ชฎิลภูตสฺส, ยา เม สิทฺธิ ปริตฺติกา;
‘‘Pubbe jaṭilabhūtassa, yā me siddhi parittikā;
๓๗๘.
378.
‘‘ปุเพฺพ ยเญฺญน สนฺตุโฎฺฐ, กามธาตุปุรกฺขโต;
‘‘Pubbe yaññena santuṭṭho, kāmadhātupurakkhato;
ปจฺฉา ราคญฺจ โทสญฺจ, โมหญฺจาปิ สมูหนิํฯ
Pacchā rāgañca dosañca, mohañcāpi samūhaniṃ.
๓๗๙.
379.
‘‘ปุเพฺพนิวาสํ ชานามิ, ทิพฺพจกฺขุ วิโสธิตํ;
‘‘Pubbenivāsaṃ jānāmi, dibbacakkhu visodhitaṃ;
อิทฺธิมา ปรจิตฺตญฺญู, ทิพฺพโสตญฺจ ปาปุณิํฯ
Iddhimā paracittaññū, dibbasotañca pāpuṇiṃ.
๓๘๐.
380.
‘‘ยสฺส จตฺถาย ปพฺพชิโต, อคารสฺมานคาริยํ;
‘‘Yassa catthāya pabbajito, agārasmānagāriyaṃ;
โส เม อโตฺถ อนุปฺปโตฺต, สพฺพสํโยชนกฺขโย’’ติฯ
So me attho anuppatto, sabbasaṃyojanakkhayo’’ti.
… อุรุเวฬกสฺสโป เถโร…ฯ
… Uruveḷakassapo thero….
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / เถรคาถา-อฎฺฐกถา • Theragāthā-aṭṭhakathā / ๑. อุรุเวลกสฺสปเตฺถรคาถาวณฺณนา • 1. Uruvelakassapattheragāthāvaṇṇanā
