| Library / Tipiṭaka / तिपिटक • Tipiṭaka / थेरगाथापाळि • Theragāthāpāḷi |
६. छक्कनिपातो
6. Chakkanipāto
१. उरुवेळकस्सपत्थेरगाथा
1. Uruveḷakassapattheragāthā
३७५.
375.
‘‘दिस्वान पाटिहीरानि, गोतमस्स यसस्सिनो।
‘‘Disvāna pāṭihīrāni, gotamassa yasassino;
न तावाहं पणिपतिं, इस्सामानेन वञ्चितो॥
Na tāvāhaṃ paṇipatiṃ, issāmānena vañcito.
३७६.
376.
‘‘मम सङ्कप्पमञ्ञाय, चोदेसि नरसारथि।
‘‘Mama saṅkappamaññāya, codesi narasārathi;
ततो मे आसि संवेगो, अब्भुतो लोमहंसनो॥
Tato me āsi saṃvego, abbhuto lomahaṃsano.
३७७.
377.
‘‘पुब्बे जटिलभूतस्स, या मे सिद्धि परित्तिका।
‘‘Pubbe jaṭilabhūtassa, yā me siddhi parittikā;
३७८.
378.
‘‘पुब्बे यञ्ञेन सन्तुट्ठो, कामधातुपुरक्खतो।
‘‘Pubbe yaññena santuṭṭho, kāmadhātupurakkhato;
पच्छा रागञ्च दोसञ्च, मोहञ्चापि समूहनिं॥
Pacchā rāgañca dosañca, mohañcāpi samūhaniṃ.
३७९.
379.
‘‘पुब्बेनिवासं जानामि, दिब्बचक्खु विसोधितं।
‘‘Pubbenivāsaṃ jānāmi, dibbacakkhu visodhitaṃ;
इद्धिमा परचित्तञ्ञू, दिब्बसोतञ्च पापुणिं॥
Iddhimā paracittaññū, dibbasotañca pāpuṇiṃ.
३८०.
380.
‘‘यस्स चत्थाय पब्बजितो, अगारस्मानगारियं।
‘‘Yassa catthāya pabbajito, agārasmānagāriyaṃ;
सो मे अत्थो अनुप्पत्तो, सब्बसंयोजनक्खयो’’ति॥
So me attho anuppatto, sabbasaṃyojanakkhayo’’ti.
… उरुवेळकस्सपो थेरो…।
… Uruveḷakassapo thero….
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / थेरगाथा-अट्ठकथा • Theragāthā-aṭṭhakathā / १. उरुवेलकस्सपत्थेरगाथावण्णना • 1. Uruvelakassapattheragāthāvaṇṇanā
