| Library / Tipiṭaka / তিপিটক • Tipiṭaka / থেরগাথাপাল়ি • Theragāthāpāḷi |
৬. ছক্কনিপাতো
6. Chakkanipāto
১. উরুৰেল়কস্সপত্থেরগাথা
1. Uruveḷakassapattheragāthā
৩৭৫.
375.
‘‘দিস্ৰান পাটিহীরানি, গোতমস্স যসস্সিনো।
‘‘Disvāna pāṭihīrāni, gotamassa yasassino;
ন তাৰাহং পণিপতিং, ইস্সামানেন ৰঞ্চিতো॥
Na tāvāhaṃ paṇipatiṃ, issāmānena vañcito.
৩৭৬.
376.
‘‘মম সঙ্কপ্পমঞ্ঞায, চোদেসি নরসারথি।
‘‘Mama saṅkappamaññāya, codesi narasārathi;
ততো মে আসি সংৰেগো, অব্ভুতো লোমহংসনো॥
Tato me āsi saṃvego, abbhuto lomahaṃsano.
৩৭৭.
377.
‘‘পুব্বে জটিলভূতস্স, যা মে সিদ্ধি পরিত্তিকা।
‘‘Pubbe jaṭilabhūtassa, yā me siddhi parittikā;
৩৭৮.
378.
‘‘পুব্বে যঞ্ঞেন সন্তুট্ঠো, কামধাতুপুরক্খতো।
‘‘Pubbe yaññena santuṭṭho, kāmadhātupurakkhato;
পচ্ছা রাগঞ্চ দোসঞ্চ, মোহঞ্চাপি সমূহনিং॥
Pacchā rāgañca dosañca, mohañcāpi samūhaniṃ.
৩৭৯.
379.
‘‘পুব্বেনিৰাসং জানামি, দিব্বচক্খু ৰিসোধিতং।
‘‘Pubbenivāsaṃ jānāmi, dibbacakkhu visodhitaṃ;
ইদ্ধিমা পরচিত্তঞ্ঞূ, দিব্বসোতঞ্চ পাপুণিং॥
Iddhimā paracittaññū, dibbasotañca pāpuṇiṃ.
৩৮০.
380.
‘‘যস্স চত্থায পব্বজিতো, অগারস্মানগারিযং।
‘‘Yassa catthāya pabbajito, agārasmānagāriyaṃ;
সো মে অত্থো অনুপ্পত্তো, সব্বসংযোজনক্খযো’’তি॥
So me attho anuppatto, sabbasaṃyojanakkhayo’’ti.
… উরুৰেল়কস্সপো থেরো…।
… Uruveḷakassapo thero….
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / থেরগাথা-অট্ঠকথা • Theragāthā-aṭṭhakathā / ১. উরুৰেলকস্সপত্থেরগাথাৰণ্ণনা • 1. Uruvelakassapattheragāthāvaṇṇanā
