| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೮. ಉಪ್ಪಥಸುತ್ತವಣ್ಣನಾ
8. Uppathasuttavaṇṇanā
೫೮. ಅಮಗ್ಗೋತಿ ನ ಮಗ್ಗೋ ಅನುಪಾಯೋ। ರತ್ತಿನ್ದಿವಕ್ಖಯೋತಿ ತತ್ಥ ವಯಕ್ಖಣಸ್ಸ ಪಾಕಟಭಾವತೋ। ವುತ್ತಕ್ಖಣೋಪಿ ಹಿ ಸಯಂ ಖೀಯತೇವ। ಸೇಸಂ ಬಾಹಿರಮಲಂ ವತ್ಥಸರೀರಾದಿಭೂತಂ। ತಥಾ ಹಿ ‘‘ಭಸ್ಮಖಾರಾದೀಹಿ ಧೋವಿತ್ವಾ ಸಕ್ಕಾ ಸೋಧೇತು’’ನ್ತಿ ವುತ್ತಂ। ದುಟ್ಠೋತಿ ದೂಸಿತೋ ಸತ್ತಸನ್ತಾನೋ ನ ಸಕ್ಕಾ ಸುದ್ಧೋ ನಾಮ ಕಾತುಂ ಅಬ್ಭನ್ತರಮಲೀನಭಾವಾಪಾದನತೋ। ಇತ್ಥಿಯನ್ತಿ ಬ್ರಹ್ಮಚರಿಯಸ್ಸ ಅನ್ತರಾಯಕರಾಯಪಿ। ಪಜಾತಿ ಸತ್ತಕಾಯೋ ಸಜ್ಜತಿ ಸಙ್ಗಂ ಕರೋತಿ ಯಾಥಾವತೋ ಆದೀನವಂ ಅಪಸ್ಸನ್ತೋ। ಇನ್ದ್ರಿಯಸಂವರಾದಿ ಕಿಲೇಸಾನಂ ತಾಪನತೋ ತಪೋ, ತೇನಾಹ ‘‘ಸಬ್ಬಾಪೀ’’ತಿಆದಿ।
58.Amaggoti na maggo anupāyo. Rattindivakkhayoti tattha vayakkhaṇassa pākaṭabhāvato. Vuttakkhaṇopi hi sayaṃ khīyateva. Sesaṃ bāhiramalaṃ vatthasarīrādibhūtaṃ. Tathā hi ‘‘bhasmakhārādīhi dhovitvā sakkā sodhetu’’nti vuttaṃ. Duṭṭhoti dūsito sattasantāno na sakkā suddho nāma kātuṃ abbhantaramalīnabhāvāpādanato. Itthiyanti brahmacariyassa antarāyakarāyapi. Pajāti sattakāyo sajjati saṅgaṃ karoti yāthāvato ādīnavaṃ apassanto. Indriyasaṃvarādi kilesānaṃ tāpanato tapo, tenāha ‘‘sabbāpī’’tiādi.
ಉಪ್ಪಥಸುತ್ತವಣ್ಣನಾ ನಿಟ್ಠಿತಾ।
Uppathasuttavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೮. ಉಪ್ಪಥಸುತ್ತಂ • 8. Uppathasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೮. ಉಪ್ಪಥಸುತ್ತವಣ್ಣನಾ • 8. Uppathasuttavaṇṇanā
