| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๘. อุปฺปถสุตฺตวณฺณนา
8. Uppathasuttavaṇṇanā
๕๘. อมโคฺคติ น มโคฺค อนุปาโยฯ รตฺตินฺทิวกฺขโยติ ตตฺถ วยกฺขณสฺส ปากฎภาวโตฯ วุตฺตกฺขโณปิ หิ สยํ ขียเตวฯ เสสํ พาหิรมลํ วตฺถสรีราทิภูตํฯ ตถา หิ ‘‘ภสฺมขาราทีหิ โธวิตฺวา สกฺกา โสเธตุ’’นฺติ วุตฺตํฯ ทุโฎฺฐติ ทูสิโต สตฺตสนฺตาโน น สกฺกา สุโทฺธ นาม กาตุํ อพฺภนฺตรมลีนภาวาปาทนโตฯ อิตฺถิยนฺติ พฺรหฺมจริยสฺส อนฺตรายกรายปิฯ ปชาติ สตฺตกาโย สชฺชติ สงฺคํ กโรติ ยาถาวโต อาทีนวํ อปสฺสโนฺตฯ อินฺทฺริยสํวราทิ กิเลสานํ ตาปนโต ตโป, เตนาห ‘‘สพฺพาปี’’ติอาทิฯ
58.Amaggoti na maggo anupāyo. Rattindivakkhayoti tattha vayakkhaṇassa pākaṭabhāvato. Vuttakkhaṇopi hi sayaṃ khīyateva. Sesaṃ bāhiramalaṃ vatthasarīrādibhūtaṃ. Tathā hi ‘‘bhasmakhārādīhi dhovitvā sakkā sodhetu’’nti vuttaṃ. Duṭṭhoti dūsito sattasantāno na sakkā suddho nāma kātuṃ abbhantaramalīnabhāvāpādanato. Itthiyanti brahmacariyassa antarāyakarāyapi. Pajāti sattakāyo sajjati saṅgaṃ karoti yāthāvato ādīnavaṃ apassanto. Indriyasaṃvarādi kilesānaṃ tāpanato tapo, tenāha ‘‘sabbāpī’’tiādi.
อุปฺปถสุตฺตวณฺณนา นิฎฺฐิตาฯ
Uppathasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๘. อุปฺปถสุตฺตํ • 8. Uppathasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๘. อุปฺปถสุตฺตวณฺณนา • 8. Uppathasuttavaṇṇanā
