| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૮. ઉપ્પથસુત્તવણ્ણના
8. Uppathasuttavaṇṇanā
૫૮. અમગ્ગોતિ ન મગ્ગો અનુપાયો. રત્તિન્દિવક્ખયોતિ તત્થ વયક્ખણસ્સ પાકટભાવતો. વુત્તક્ખણોપિ હિ સયં ખીયતેવ. સેસં બાહિરમલં વત્થસરીરાદિભૂતં. તથા હિ ‘‘ભસ્મખારાદીહિ ધોવિત્વા સક્કા સોધેતુ’’ન્તિ વુત્તં. દુટ્ઠોતિ દૂસિતો સત્તસન્તાનો ન સક્કા સુદ્ધો નામ કાતું અબ્ભન્તરમલીનભાવાપાદનતો. ઇત્થિયન્તિ બ્રહ્મચરિયસ્સ અન્તરાયકરાયપિ. પજાતિ સત્તકાયો સજ્જતિ સઙ્ગં કરોતિ યાથાવતો આદીનવં અપસ્સન્તો. ઇન્દ્રિયસંવરાદિ કિલેસાનં તાપનતો તપો, તેનાહ ‘‘સબ્બાપી’’તિઆદિ.
58.Amaggoti na maggo anupāyo. Rattindivakkhayoti tattha vayakkhaṇassa pākaṭabhāvato. Vuttakkhaṇopi hi sayaṃ khīyateva. Sesaṃ bāhiramalaṃ vatthasarīrādibhūtaṃ. Tathā hi ‘‘bhasmakhārādīhi dhovitvā sakkā sodhetu’’nti vuttaṃ. Duṭṭhoti dūsito sattasantāno na sakkā suddho nāma kātuṃ abbhantaramalīnabhāvāpādanato. Itthiyanti brahmacariyassa antarāyakarāyapi. Pajāti sattakāyo sajjati saṅgaṃ karoti yāthāvato ādīnavaṃ apassanto. Indriyasaṃvarādi kilesānaṃ tāpanato tapo, tenāha ‘‘sabbāpī’’tiādi.
ઉપ્પથસુત્તવણ્ણના નિટ્ઠિતા.
Uppathasuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૮. ઉપ્પથસુત્તં • 8. Uppathasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૮. ઉપ્પથસુત્તવણ્ણના • 8. Uppathasuttavaṇṇanā
