| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
८. उप्पथसुत्तवण्णना
8. Uppathasuttavaṇṇanā
५८. अमग्गोति न मग्गो अनुपायो। रत्तिन्दिवक्खयोति तत्थ वयक्खणस्स पाकटभावतो। वुत्तक्खणोपि हि सयं खीयतेव। सेसं बाहिरमलं वत्थसरीरादिभूतं। तथा हि ‘‘भस्मखारादीहि धोवित्वा सक्का सोधेतु’’न्ति वुत्तं। दुट्ठोति दूसितो सत्तसन्तानो न सक्का सुद्धो नाम कातुं अब्भन्तरमलीनभावापादनतो। इत्थियन्ति ब्रह्मचरियस्स अन्तरायकरायपि। पजाति सत्तकायो सज्जति सङ्गं करोति याथावतो आदीनवं अपस्सन्तो। इन्द्रियसंवरादि किलेसानं तापनतो तपो, तेनाह ‘‘सब्बापी’’तिआदि।
58.Amaggoti na maggo anupāyo. Rattindivakkhayoti tattha vayakkhaṇassa pākaṭabhāvato. Vuttakkhaṇopi hi sayaṃ khīyateva. Sesaṃ bāhiramalaṃ vatthasarīrādibhūtaṃ. Tathā hi ‘‘bhasmakhārādīhi dhovitvā sakkā sodhetu’’nti vuttaṃ. Duṭṭhoti dūsito sattasantāno na sakkā suddho nāma kātuṃ abbhantaramalīnabhāvāpādanato. Itthiyanti brahmacariyassa antarāyakarāyapi. Pajāti sattakāyo sajjati saṅgaṃ karoti yāthāvato ādīnavaṃ apassanto. Indriyasaṃvarādi kilesānaṃ tāpanato tapo, tenāha ‘‘sabbāpī’’tiādi.
उप्पथसुत्तवण्णना निट्ठिता।
Uppathasuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ८. उप्पथसुत्तं • 8. Uppathasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ८. उप्पथसुत्तवण्णना • 8. Uppathasuttavaṇṇanā
