| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
৮. উপ্পথসুত্তৰণ্ণনা
8. Uppathasuttavaṇṇanā
৫৮. অট্ঠমে রাগো উপ্পথোতি সুগতিঞ্চ নিব্বানঞ্চ গচ্ছন্তস্স অমগ্গো। রত্তিন্দিৰক্খযোতি রত্তিদিৰেহি, রত্তিদিৰেসু ৰা খীযতি। ইত্থী মলন্তি সেসং বাহিরমলং ভস্মখারাদীহি ধোৰিত্ৰা সক্কা সোধেতুং, মাতুগামমলেন দুট্ঠো পন ন সক্কা সুদ্ধো নাম কাতুন্তি ইত্থী ‘‘মল’’ন্তি ৰুত্তা। এত্থাতি এত্থ ইত্থিযং পজা সজ্জতি। তপোতি ইন্দ্রিযসংৰরধুতঙ্গগুণৰীরিযদুক্করকারিকানং নামং, ইধ পন ঠপেত্ৰা দুক্করকারিকং সব্বাপি কিলেসসন্তাপিকা পটিপদা ৰট্টতি। ব্রহ্মচরিযন্তি মেথুনৰিরতি। অট্ঠমং।
58. Aṭṭhame rāgo uppathoti sugatiñca nibbānañca gacchantassa amaggo. Rattindivakkhayoti rattidivehi, rattidivesu vā khīyati. Itthī malanti sesaṃ bāhiramalaṃ bhasmakhārādīhi dhovitvā sakkā sodhetuṃ, mātugāmamalena duṭṭho pana na sakkā suddho nāma kātunti itthī ‘‘mala’’nti vuttā. Etthāti ettha itthiyaṃ pajā sajjati. Tapoti indriyasaṃvaradhutaṅgaguṇavīriyadukkarakārikānaṃ nāmaṃ, idha pana ṭhapetvā dukkarakārikaṃ sabbāpi kilesasantāpikā paṭipadā vaṭṭati. Brahmacariyanti methunavirati. Aṭṭhamaṃ.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৮. উপ্পথসুত্তং • 8. Uppathasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৮. উপ্পথসুত্তৰণ্ণনা • 8. Uppathasuttavaṇṇanā
