| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༩. ཨུཔྤཱདསུཏྟཾ
9. Uppādasuttaṃ
༣༠. སཱཝཏྠིནིདཱནཾ། ‘‘ཡོ, བྷིཀྑཝེ, རཱུཔསྶ ཨུཔྤཱདོ ཋིཏི ཨབྷིནིབྦཏྟི པཱཏུབྷཱཝོ , དུཀྑསྶེསོ ཨུཔྤཱདོ རོགཱནཾ ཋིཏི ཛརཱམརཎསྶ པཱཏུབྷཱཝོ། ཡོ ཝེདནཱཡ…པེ॰… ཡོ སཉྙཱཡ…པེ॰… ཡོ སངྑཱརཱནཾ…པེ॰… ཡོ ཝིཉྙཱཎསྶ ཨུཔྤཱདོ ཋིཏི ཨབྷིནིབྦཏྟི པཱཏུབྷཱཝོ, དུཀྑསྶེསོ ཨུཔྤཱདོ རོགཱནཾ ཋིཏི ཛརཱམརཎསྶ པཱཏུབྷཱཝོ། ཡོ ཙ ཁོ, བྷིཀྑཝེ, རཱུཔསྶ ནིརོདྷོ ཝཱུཔསམོ ཨཏྠངྒམོ, དུཀྑསྶེསོ ནིརོདྷོ རོགཱནཾ ཝཱུཔསམོ ཛརཱམརཎསྶ ཨཏྠངྒམོ། ཡོ ཝེདནཱཡ …པེ॰… ཡོ སཉྙཱཡ… ཡོ སངྑཱརཱནཾ… ཡོ ཝིཉྙཱཎསྶ ནིརོདྷོ ཝཱུཔསམོ ཨཏྠངྒམོ, དུཀྑསྶེསོ ནིརོདྷོ རོགཱནཾ ཝཱུཔསམོ ཛརཱམརཎསྶ ཨཏྠངྒམོ’’ཏི། ནཝམཾ།
30. Sāvatthinidānaṃ. ‘‘Yo, bhikkhave, rūpassa uppādo ṭhiti abhinibbatti pātubhāvo , dukkhasseso uppādo rogānaṃ ṭhiti jarāmaraṇassa pātubhāvo. Yo vedanāya…pe… yo saññāya…pe… yo saṅkhārānaṃ…pe… yo viññāṇassa uppādo ṭhiti abhinibbatti pātubhāvo, dukkhasseso uppādo rogānaṃ ṭhiti jarāmaraṇassa pātubhāvo. Yo ca kho, bhikkhave, rūpassa nirodho vūpasamo atthaṅgamo, dukkhasseso nirodho rogānaṃ vūpasamo jarāmaraṇassa atthaṅgamo. Yo vedanāya …pe… yo saññāya… yo saṅkhārānaṃ… yo viññāṇassa nirodho vūpasamo atthaṅgamo, dukkhasseso nirodho rogānaṃ vūpasamo jarāmaraṇassa atthaṅgamo’’ti. Navamaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༤-༩. ཚནྡརཱགསུཏྟཱདིཝཎྞནཱ • 4-9. Chandarāgasuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༤-༩. ཚནྡརཱགསུཏྟཱདིཝཎྞནཱ • 4-9. Chandarāgasuttādivaṇṇanā
