| Library / Tipiṭaka / તિપિટક • Tipiṭaka / પાચિત્યાદિયોજનાપાળિ • Pācityādiyojanāpāḷi |
૭૭. ઉપોસથભેદાદિકથા
77. Uposathabhedādikathā
૧૪૯. પન્નરસિકસ્સ પુબ્બકિચ્ચસ્સ પાળિયં આગતત્તા ચાતુદ્દસિકસ્સેવ પુબ્બકિચ્ચં દસ્સેન્તો આહ ‘‘અજ્જુપોસથો ચાતુદ્દસો’’તિ.
149. Pannarasikassa pubbakiccassa pāḷiyaṃ āgatattā cātuddasikasseva pubbakiccaṃ dassento āha ‘‘ajjuposatho cātuddaso’’ti.
‘‘અધમ્મેન વગ્ગ’’ન્તિઆદીસુ વિનિચ્છયો એવં વેદિતબ્બોતિ યોજના. અધમ્મેન વગ્ગન્તિ એત્થ અધમ્મં નામ એકસ્મિં વિહારે ચતુન્નં ભિક્ખૂનં સુત્તુદ્દેસઉપોસથમકત્વા પારિસુદ્ધિઉપોસથકરણઞ્ચ તિણ્ણં પારિસુદ્ધિઉપોસથમકત્વા સુત્તુદ્દેસકરણઞ્ચ. વગ્ગં નામ સબ્બેવ અસન્નિપતિત્વા એકસ્સ છન્દપારિસુદ્ધિહરણં. છન્દપારિસુદ્ધિ નામ સઙ્ઘમજ્ઝંયેવ આગચ્છતિ, ન ગણમજ્ઝં, ન પુગ્ગલસ્સ સન્તિકં. અધમ્મેન સમગ્ગન્તિ એત્થ અધમ્મં વુત્તનયમેવ. સમગ્ગં નામ સબ્બેસં સન્નિપતનં. ધમ્મેન વગ્ગન્તિ એત્થ ધમ્મં નામ ચતુન્નં સુત્તુદ્દેસઉપોસથકરણઞ્ચ તિણ્ણં પારિસુદ્ધિઉપોસથકરણઞ્ચ. વગ્ગં વુત્તનયમેવ.
‘‘Adhammena vagga’’ntiādīsu vinicchayo evaṃ veditabboti yojanā. Adhammena vagganti ettha adhammaṃ nāma ekasmiṃ vihāre catunnaṃ bhikkhūnaṃ suttuddesauposathamakatvā pārisuddhiuposathakaraṇañca tiṇṇaṃ pārisuddhiuposathamakatvā suttuddesakaraṇañca. Vaggaṃ nāma sabbeva asannipatitvā ekassa chandapārisuddhiharaṇaṃ. Chandapārisuddhi nāma saṅghamajjhaṃyeva āgacchati, na gaṇamajjhaṃ, na puggalassa santikaṃ. Adhammena samagganti ettha adhammaṃ vuttanayameva. Samaggaṃ nāma sabbesaṃ sannipatanaṃ. Dhammena vagganti ettha dhammaṃ nāma catunnaṃ suttuddesauposathakaraṇañca tiṇṇaṃ pārisuddhiuposathakaraṇañca. Vaggaṃ vuttanayameva.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવગ્ગપાળિ • Mahāvaggapāḷi / ૭૭. ઉપોસથભેદાદિ • 77. Uposathabhedādi
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવગ્ગ-અટ્ઠકથા • Mahāvagga-aṭṭhakathā / ઉપોસથભેદાદિકથા • Uposathabhedādikathā
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / ઉપોસથભેદાદિકથાવણ્ણના • Uposathabhedādikathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / ઉપોસથભેદાદિકથાવણ્ણના • Uposathabhedādikathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / ઉપોસથભેદાદિકથાવણ્ણના • Uposathabhedādikathāvaṇṇanā
