| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༦. ཨུཔཡཝགྒོ
6. Upayavaggo
༡. ཨུཔཡསུཏྟཝཎྞནཱ
1. Upayasuttavaṇṇanā
༥༣. ཨུཔཡཝགྒསྶ པཋམེ ཨུཔཡོཏི ཏཎྷཱམཱནདིཊྛིཝསེན པཉྩཀྑནྡྷེ ཨུཔགཏོ། ཝིཉྙཱཎནྟི ཀམྨཝིཉྙཱཎཾ། ཨཱཔཛྫེཡྻཱཏི ཀམྨཾ ཛཝཱཔེཏྭཱ པཊིསནྡྷིཨཱཀཌྜྷནསམཏྠཏཱཡ ཝུདྡྷིཨཱདཱིནི ཨཱཔཛྫེཡྻ། ཝིཉྙཱཎུཔཡནྟི པདསྶ ཨགྒཧཎེ ཀཱརཎཾ ཝུཏྟམེཝ། ཝོཙྪིཛྫཏཱརམྨཎནྟི པཊིསནྡྷིཨཱཀཌྜྷནསམཏྠཏཱཡ ཨབྷཱཝེན ཨཱརམྨཎཾ ཝོཙྪིཛྫཏི། པཏིཊྛཱ ཝིཉྙཱཎསྶཱཏི ཀམྨཝིཉྙཱཎསྶ པཏིཊྛཱ ན ཧོཏི། ཏདཔྤཏིཊྛིཏནྟི ཏཾ ཨཔྤཏིཊྛིཏཾ། ཨནབྷིསངྑཙྩ ཝིམུཏྟནྟི པཊིསནྡྷིཾ ཨནབྷིསངྑརིཏྭཱ ཝིམུཏྟཾ། པཋམཾ།
53. Upayavaggassa paṭhame upayoti taṇhāmānadiṭṭhivasena pañcakkhandhe upagato. Viññāṇanti kammaviññāṇaṃ. Āpajjeyyāti kammaṃ javāpetvā paṭisandhiākaḍḍhanasamatthatāya vuddhiādīni āpajjeyya. Viññāṇupayanti padassa aggahaṇe kāraṇaṃ vuttameva. Vocchijjatārammaṇanti paṭisandhiākaḍḍhanasamatthatāya abhāvena ārammaṇaṃ vocchijjati. Patiṭṭhā viññāṇassāti kammaviññāṇassa patiṭṭhā na hoti. Tadappatiṭṭhitanti taṃ appatiṭṭhitaṃ. Anabhisaṅkhacca vimuttanti paṭisandhiṃ anabhisaṅkharitvā vimuttaṃ. Paṭhamaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༡. ཨུཔཡསུཏྟཾ • 1. Upayasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༡. ཨུཔཡསུཏྟཝཎྞནཱ • 1. Upayasuttavaṇṇanā
