| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) |
೬. ಉಪಯವಗ್ಗೋ
6. Upayavaggo
೧. ಉಪಯಸುತ್ತವಣ್ಣನಾ
1. Upayasuttavaṇṇanā
೫೩. ಉಪಯವಗ್ಗಸ್ಸ ಪಠಮೇ ಉಪಯೋತಿ ತಣ್ಹಾಮಾನದಿಟ್ಠಿವಸೇನ ಪಞ್ಚಕ್ಖನ್ಧೇ ಉಪಗತೋ। ವಿಞ್ಞಾಣನ್ತಿ ಕಮ್ಮವಿಞ್ಞಾಣಂ। ಆಪಜ್ಜೇಯ್ಯಾತಿ ಕಮ್ಮಂ ಜವಾಪೇತ್ವಾ ಪಟಿಸನ್ಧಿಆಕಡ್ಢನಸಮತ್ಥತಾಯ ವುದ್ಧಿಆದೀನಿ ಆಪಜ್ಜೇಯ್ಯ। ವಿಞ್ಞಾಣುಪಯನ್ತಿ ಪದಸ್ಸ ಅಗ್ಗಹಣೇ ಕಾರಣಂ ವುತ್ತಮೇವ। ವೋಚ್ಛಿಜ್ಜತಾರಮ್ಮಣನ್ತಿ ಪಟಿಸನ್ಧಿಆಕಡ್ಢನಸಮತ್ಥತಾಯ ಅಭಾವೇನ ಆರಮ್ಮಣಂ ವೋಚ್ಛಿಜ್ಜತಿ। ಪತಿಟ್ಠಾ ವಿಞ್ಞಾಣಸ್ಸಾತಿ ಕಮ್ಮವಿಞ್ಞಾಣಸ್ಸ ಪತಿಟ್ಠಾ ನ ಹೋತಿ। ತದಪ್ಪತಿಟ್ಠಿತನ್ತಿ ತಂ ಅಪ್ಪತಿಟ್ಠಿತಂ। ಅನಭಿಸಙ್ಖಚ್ಚ ವಿಮುತ್ತನ್ತಿ ಪಟಿಸನ್ಧಿಂ ಅನಭಿಸಙ್ಖರಿತ್ವಾ ವಿಮುತ್ತಂ। ಪಠಮಂ।
53. Upayavaggassa paṭhame upayoti taṇhāmānadiṭṭhivasena pañcakkhandhe upagato. Viññāṇanti kammaviññāṇaṃ. Āpajjeyyāti kammaṃ javāpetvā paṭisandhiākaḍḍhanasamatthatāya vuddhiādīni āpajjeyya. Viññāṇupayanti padassa aggahaṇe kāraṇaṃ vuttameva. Vocchijjatārammaṇanti paṭisandhiākaḍḍhanasamatthatāya abhāvena ārammaṇaṃ vocchijjati. Patiṭṭhā viññāṇassāti kammaviññāṇassa patiṭṭhā na hoti. Tadappatiṭṭhitanti taṃ appatiṭṭhitaṃ. Anabhisaṅkhacca vimuttanti paṭisandhiṃ anabhisaṅkharitvā vimuttaṃ. Paṭhamaṃ.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೧. ಉಪಯಸುತ್ತಂ • 1. Upayasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೧. ಉಪಯಸುತ್ತವಣ್ಣನಾ • 1. Upayasuttavaṇṇanā
