| Library / Tipiṭaka / तिपिटक • Tipiṭaka / संयुत्तनिकाय (अट्ठकथा) • Saṃyuttanikāya (aṭṭhakathā) |
६. उपयवग्गो
6. Upayavaggo
१. उपयसुत्तवण्णना
1. Upayasuttavaṇṇanā
५३. उपयवग्गस्स पठमे उपयोति तण्हामानदिट्ठिवसेन पञ्चक्खन्धे उपगतो। विञ्ञाणन्ति कम्मविञ्ञाणं। आपज्जेय्याति कम्मं जवापेत्वा पटिसन्धिआकड्ढनसमत्थताय वुद्धिआदीनि आपज्जेय्य। विञ्ञाणुपयन्ति पदस्स अग्गहणे कारणं वुत्तमेव। वोच्छिज्जतारम्मणन्ति पटिसन्धिआकड्ढनसमत्थताय अभावेन आरम्मणं वोच्छिज्जति। पतिट्ठा विञ्ञाणस्साति कम्मविञ्ञाणस्स पतिट्ठा न होति। तदप्पतिट्ठितन्ति तं अप्पतिट्ठितं। अनभिसङ्खच्च विमुत्तन्ति पटिसन्धिं अनभिसङ्खरित्वा विमुत्तं। पठमं।
53. Upayavaggassa paṭhame upayoti taṇhāmānadiṭṭhivasena pañcakkhandhe upagato. Viññāṇanti kammaviññāṇaṃ. Āpajjeyyāti kammaṃ javāpetvā paṭisandhiākaḍḍhanasamatthatāya vuddhiādīni āpajjeyya. Viññāṇupayanti padassa aggahaṇe kāraṇaṃ vuttameva. Vocchijjatārammaṇanti paṭisandhiākaḍḍhanasamatthatāya abhāvena ārammaṇaṃ vocchijjati. Patiṭṭhā viññāṇassāti kammaviññāṇassa patiṭṭhā na hoti. Tadappatiṭṭhitanti taṃ appatiṭṭhitaṃ. Anabhisaṅkhacca vimuttanti paṭisandhiṃ anabhisaṅkharitvā vimuttaṃ. Paṭhamaṃ.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / १. उपयसुत्तं • 1. Upayasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / १. उपयसुत्तवण्णना • 1. Upayasuttavaṇṇanā
