| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
9. убаяанд̇исуд̇д̇аван̣н̣анаа
9. Upayantisuttavaṇṇanā
69. навамз уд̣̇агавад̣дханасамаязд̇и саб̣б̣ад̣̇ивасзсу махаасамуд̣̇д̣̇асса анд̇о маханд̇ажанд̣̇аганд̇аман̣ибаб̣б̣ад̇аанам̣ ж̇ун̣хасампассзна бахад̇ад̇д̇аа ж̇алаабхисанд̣̇анавасзна уд̣̇агасса вад̣дханасамаяз. убари г̇ажчанд̇од̇и багад̇ияаа уд̣̇агасса д̇идтадтаанасса д̇ад̇о убари г̇ажчанд̇од̇и ад̇т̇о. убари яаабзд̇ийд̇и уд̣̇агам̣ д̇ад̇т̇а убаруубари вад̣дхзд̇и. д̇ат̇аабхууд̇о жа д̇ам̣ б̣руухзнд̇о буурзнд̇од̇и вужжад̇ийд̇и ааха ‘‘вад̣дхзд̇и буурзд̇ийд̇и ад̇т̇о’’д̇и. яасмаа бажжаяад̇хаммаа ад̇д̇ано паласамавааяабажжаяз хонд̇з д̇асса убари тид̇о вияа ход̇и д̇асса ад̇д̇ано васз вад̇д̇аабанад̇о, д̇асмаа вуд̇д̇ам̣ ‘‘авиж̇ж̇аа убари г̇ажчанд̇ий’’д̇и. бажжаяабхаавзна хи саа д̇ат̇аа вужжад̇и. д̇знааха ‘‘сан̇каараанам̣ бажжаяо бхавид̇ум̣ саггун̣анд̇ий’’д̇и. абаг̇ажчанд̇о яааяанд̇о. д̇знааха ‘‘осаранд̇о’’д̇и, авад̣дханд̇о барихийяамаанод̇и ад̇т̇о.
69. Navame udakavaḍḍhanasamayeti sabbadivasesu mahāsamuddassa anto mahantacandakantamaṇipabbatānaṃ juṇhasamphassena pahatattā jalābhisandanavasena udakassa vaḍḍhanasamaye. Upari gacchantoti pakatiyā udakassa tiṭṭhaṭṭhānassa tato upari gacchantoti attho. Upari yāpetīti udakaṃ tattha uparūpari vaḍḍheti. Tathābhūto ca taṃ brūhento pūrentoti vuccatīti āha ‘‘vaḍḍheti pūretīti attho’’ti. Yasmā paccayadhammā attano phalasamavāyapaccaye honte tassa upari ṭhito viya hoti tassa attano vase vattāpanato, tasmā vuttaṃ ‘‘avijjā upari gacchantī’’ti. Paccayabhāvena hi sā tathā vuccati. Tenāha ‘‘saṅkhārānaṃ paccayo bhavituṃ sakkuṇantī’’ti. Apagacchanto yāyanto. Tenāha ‘‘osaranto’’ti, avaḍḍhanto parihīyamānoti attho.
убаяанд̇исуд̇д̇аван̣н̣анаа нидтид̇аа.
Upayantisuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 9. убаяанд̇исуд̇д̇ам̣ • 9. Upayantisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9. убаяанд̇исуд̇д̇аван̣н̣анаа • 9. Upayantisuttavaṇṇanā
