| Library / Tipiṭaka / తిపిటక • Tipiṭaka / అఙ్గుత్తరనికాయ (టీకా) • Aṅguttaranikāya (ṭīkā) |
౫-౬. ఉపవాణసుత్తాదివణ్ణనా
5-6. Upavāṇasuttādivaṇṇanā
౧౭౫-౬. పఞ్చమే విజ్జాయాతి దిబ్బచక్ఖుపుబ్బేనివాసానుస్సతిఆసవక్ఖయఞాణసఙ్ఖాతాయ తివిధాయ విజ్జాయ, అట్ఠవిధాయ వా. అట్ఠవిధాపి హి విజ్జా విపస్సనాఞాణేన మనోమయిద్ధియా చ సహ అభిఞ్ఞా పరిగ్గహేత్వా వుత్తా. పన్నరసధమ్మభేదేన చరణేన సమన్నాగతోతి సీలసంవరో, ఇన్ద్రియేసు గుత్తద్వారతా, భోజనే మత్తఞ్ఞుతా, జాగరియానుయోగో, సద్ధా, హిరీ, ఓత్తప్పం, బాహుసచ్చం, వీరియం, సతి, పఞ్ఞా, చత్తారి రూపావచరజ్ఝానానీతి ఏవం పన్నరసభేదేన చరణధమ్మేన సమన్నాగతో. ఇమేయేవ హి పన్నరస ధమ్మా యస్మా ఏతేహి చరతి అరియసావకో గచ్ఛతి అమతం దిసం, తస్మా ‘‘చరణ’’న్తి వుత్తా. ఛట్ఠే నత్థి వత్తబ్బం.
175-6. Pañcame vijjāyāti dibbacakkhupubbenivāsānussatiāsavakkhayañāṇasaṅkhātāya tividhāya vijjāya, aṭṭhavidhāya vā. Aṭṭhavidhāpi hi vijjā vipassanāñāṇena manomayiddhiyā ca saha abhiññā pariggahetvā vuttā. Pannarasadhammabhedena caraṇena samannāgatoti sīlasaṃvaro, indriyesu guttadvāratā, bhojane mattaññutā, jāgariyānuyogo, saddhā, hirī, ottappaṃ, bāhusaccaṃ, vīriyaṃ, sati, paññā, cattāri rūpāvacarajjhānānīti evaṃ pannarasabhedena caraṇadhammena samannāgato. Imeyeva hi pannarasa dhammā yasmā etehi carati ariyasāvako gacchati amataṃ disaṃ, tasmā ‘‘caraṇa’’nti vuttā. Chaṭṭhe natthi vattabbaṃ.
ఉపవాణసుత్తాదివణ్ణనా నిట్ఠితా.
Upavāṇasuttādivaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / అఙ్గుత్తరనికాయ • Aṅguttaranikāya
౫. ఉపవాణసుత్తం • 5. Upavāṇasuttaṃ
౬. ఆయాచనసుత్తం • 6. Āyācanasuttaṃ
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) / ౫. ఉపవాణసుత్తవణ్ణనా • 5. Upavāṇasuttavaṇṇanā
