| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
៨. ឧបវាណសន្ទិដ្ឋិកសុត្តវណ្ណនា
8. Upavāṇasandiṭṭhikasuttavaṇṇanā
៧០. រូបំ បដិសំវិទិតំ ករោតិ ញាតបរិញ្ញាវសេន។ រូបរាគន្តិ នីលាទិភេទេ រូបធម្មេ រាគំ។ បដិសំវិទិតំ ករោតិ ‘‘អយំ មេ រាគោ អប្បហីនោ’’តិ។ ឯតេន សេក្ខានំ បច្ចវេក្ខណា កថិតា។ តេន វុត្តំ ‘‘ឯវម្បិ ខោ, ឧបវាណ, សន្ទិដ្ឋិកោ ធម្មោ ហោតី’’តិអាទិ។ រូបរាគំ បដិសំវិទិតំ ករោតិ ‘‘នត្ថិ មេ អជ្ឈត្តំ រូបេសុ រាគោ’’តិ បជានាតិ។ អសេក្ខានំ ហាយំ បច្ចវេក្ខណា។
70.Rūpaṃ paṭisaṃviditaṃ karoti ñātapariññāvasena. Rūparāganti nīlādibhede rūpadhamme rāgaṃ. Paṭisaṃviditaṃ karoti ‘‘ayaṃ me rāgo appahīno’’ti. Etena sekkhānaṃ paccavekkhaṇā kathitā. Tena vuttaṃ ‘‘evampi kho, upavāṇa, sandiṭṭhiko dhammo hotī’’tiādi. Rūparāgaṃ paṭisaṃviditaṃ karoti ‘‘natthi me ajjhattaṃ rūpesu rāgo’’ti pajānāti. Asekkhānaṃ hāyaṃ paccavekkhaṇā.
ឧបវាណសន្ទិដ្ឋិកសុត្តវណ្ណនា និដ្ឋិតា។
Upavāṇasandiṭṭhikasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៨. ឧបវាណសន្ទិដ្ឋិកសុត្តំ • 8. Upavāṇasandiṭṭhikasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៨. ឧបវាណសន្ទិដ្ឋិកសុត្តវណ្ណនា • 8. Upavāṇasandiṭṭhikasuttavaṇṇanā
