| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૮. ઉપવાણસન્દિટ્ઠિકસુત્તવણ્ણના
8. Upavāṇasandiṭṭhikasuttavaṇṇanā
૭૦. રૂપં પટિસંવિદિતં કરોતિ ઞાતપરિઞ્ઞાવસેન. રૂપરાગન્તિ નીલાદિભેદે રૂપધમ્મે રાગં. પટિસંવિદિતં કરોતિ ‘‘અયં મે રાગો અપ્પહીનો’’તિ. એતેન સેક્ખાનં પચ્ચવેક્ખણા કથિતા. તેન વુત્તં ‘‘એવમ્પિ ખો, ઉપવાણ, સન્દિટ્ઠિકો ધમ્મો હોતી’’તિઆદિ. રૂપરાગં પટિસંવિદિતં કરોતિ ‘‘નત્થિ મે અજ્ઝત્તં રૂપેસુ રાગો’’તિ પજાનાતિ. અસેક્ખાનં હાયં પચ્ચવેક્ખણા.
70.Rūpaṃ paṭisaṃviditaṃ karoti ñātapariññāvasena. Rūparāganti nīlādibhede rūpadhamme rāgaṃ. Paṭisaṃviditaṃ karoti ‘‘ayaṃ me rāgo appahīno’’ti. Etena sekkhānaṃ paccavekkhaṇā kathitā. Tena vuttaṃ ‘‘evampi kho, upavāṇa, sandiṭṭhiko dhammo hotī’’tiādi. Rūparāgaṃ paṭisaṃviditaṃ karoti ‘‘natthi me ajjhattaṃ rūpesu rāgo’’ti pajānāti. Asekkhānaṃ hāyaṃ paccavekkhaṇā.
ઉપવાણસન્દિટ્ઠિકસુત્તવણ્ણના નિટ્ઠિતા.
Upavāṇasandiṭṭhikasuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૮. ઉપવાણસન્દિટ્ઠિકસુત્તં • 8. Upavāṇasandiṭṭhikasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૮. ઉપવાણસન્દિટ્ઠિકસુત્તવણ્ણના • 8. Upavāṇasandiṭṭhikasuttavaṇṇanā
