| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౮. ఉపవాణసన్దిట్ఠికసుత్తవణ్ణనా
8. Upavāṇasandiṭṭhikasuttavaṇṇanā
౭౦. అట్ఠమే రూపప్పటిసంవేదీతి నీలపీతాదిభేదం ఆరమ్మణం వవత్థాపేన్తో రూపం పటిసంవిదితం కరోతి, తస్మా రూపప్పటిసంవేదీ నామ హోతి. రూపరాగప్పటిసంవేదీతి కిలేసస్స అత్థిభావేనేవ పన రూపరాగం పటిసంవిదితం కరోతి నామ, తస్మా రూపరాగప్పటిసంవేదీతి వుచ్చతి. సన్దిట్ఠికోతిఆదీని విసుద్ధిమగ్గే వుత్తత్థానేవ. నో చ రూపరాగప్పటిసంవేదీతి కిలేసస్స నత్థిభావేనేవ న రూపరాగం పటిసంవిదితం కరోతి నామ, తస్మా ‘‘నో చ రూపరాగప్పటిసంవేదీ’’తి వుచ్చతి. ఇమస్మిం సుత్తే సేఖాసేఖానం పచ్చవేక్ఖణా కథితా.
70. Aṭṭhame rūpappaṭisaṃvedīti nīlapītādibhedaṃ ārammaṇaṃ vavatthāpento rūpaṃ paṭisaṃviditaṃ karoti, tasmā rūpappaṭisaṃvedī nāma hoti. Rūparāgappaṭisaṃvedīti kilesassa atthibhāveneva pana rūparāgaṃ paṭisaṃviditaṃ karoti nāma, tasmā rūparāgappaṭisaṃvedīti vuccati. Sandiṭṭhikotiādīni visuddhimagge vuttatthāneva. Noca rūparāgappaṭisaṃvedīti kilesassa natthibhāveneva na rūparāgaṃ paṭisaṃviditaṃ karoti nāma, tasmā ‘‘no ca rūparāgappaṭisaṃvedī’’ti vuccati. Imasmiṃ sutte sekhāsekhānaṃ paccavekkhaṇā kathitā.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౮. ఉపవాణసన్దిట్ఠికసుత్తం • 8. Upavāṇasandiṭṭhikasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౮. ఉపవాణసన్దిట్ఠికసుత్తవణ్ణనా • 8. Upavāṇasandiṭṭhikasuttavaṇṇanā
