| Library / Tipiṭaka / ತಿಪಿಟಕ • Tipiṭaka / ಕಙ್ಖಾವಿತರಣೀ-ಅಭಿನವ-ಟೀಕಾ • Kaṅkhāvitaraṇī-abhinava-ṭīkā |
೬. ಉಪತಿಟ್ಠನಸಿಕ್ಖಾಪದವಣ್ಣನಾ
6. Upatiṭṭhanasikkhāpadavaṇṇanā
ತಕ್ಕಾದೀಸು ವಾ ಅಞ್ಞತರೇನಾತಿ ತಕ್ಕದಧಿಮತ್ಥುರಸಖೀರಾದೀಸು ಅಞ್ಞತರೇನ। ಯಾಯ ಕಾಯಚಿ ಬೀಜನಿಯಾತಿ ಅನ್ತಮಸೋ ಚೀವರಕಣ್ಣಂ ಉಪಾದಾಯ ಯಾಯ ಕಾಯಚಿ ಬೀಜನಿಯಾ।
Takkādīsu vā aññatarenāti takkadadhimatthurasakhīrādīsu aññatarena. Yāya kāyaci bījaniyāti antamaso cīvarakaṇṇaṃ upādāya yāya kāyaci bījaniyā.
ಇಮಂ ಪಿವಥಾತಿ ಇಮಂ ಪಾನೀಯಂ ವಾ ಸೂಪಾದಿಂ ವಾ ಪಿವಥ। ಇಮಿನಾ ಬೀಜಥಾತಿ ಇಮಿನಾ ತಾಲವಣ್ಟೇನ ಬೀಜಥ। ದಾಪೇನ್ತಿಯಾತಿ ಅಞ್ಞೇನ ಉಭಯಮ್ಪಿ ದಾಪೇನ್ತಿಯಾ।
Imaṃ pivathāti imaṃ pānīyaṃ vā sūpādiṃ vā pivatha. Iminā bījathāti iminā tālavaṇṭena bījatha. Dāpentiyāti aññena ubhayampi dāpentiyā.
ಉಪತಿಟ್ಠನಸಿಕ್ಖಾಪದವಣ್ಣನಾ ನಿಟ್ಠಿತಾ।
Upatiṭṭhanasikkhāpadavaṇṇanā niṭṭhitā.
