| Library / Tipiṭaka / तिपिटक • Tipiṭaka / कङ्खावितरणी-अभिनव-टीका • Kaṅkhāvitaraṇī-abhinava-ṭīkā |
६. उपतिट्ठनसिक्खापदवण्णना
6. Upatiṭṭhanasikkhāpadavaṇṇanā
तक्कादीसु वा अञ्ञतरेनाति तक्कदधिमत्थुरसखीरादीसु अञ्ञतरेन। याय कायचि बीजनियाति अन्तमसो चीवरकण्णं उपादाय याय कायचि बीजनिया।
Takkādīsu vā aññatarenāti takkadadhimatthurasakhīrādīsu aññatarena. Yāya kāyaci bījaniyāti antamaso cīvarakaṇṇaṃ upādāya yāya kāyaci bījaniyā.
इमं पिवथाति इमं पानीयं वा सूपादिं वा पिवथ। इमिना बीजथाति इमिना तालवण्टेन बीजथ। दापेन्तियाति अञ्ञेन उभयम्पि दापेन्तिया।
Imaṃ pivathāti imaṃ pānīyaṃ vā sūpādiṃ vā pivatha. Iminā bījathāti iminā tālavaṇṭena bījatha. Dāpentiyāti aññena ubhayampi dāpentiyā.
उपतिट्ठनसिक्खापदवण्णना निट्ठिता।
Upatiṭṭhanasikkhāpadavaṇṇanā niṭṭhitā.
