| Library / Tipiṭaka / તિપિટક • Tipiṭaka / કઙ્ખાવિતરણી-પુરાણ-ટીકા • Kaṅkhāvitaraṇī-purāṇa-ṭīkā |
૮. ઉપસ્સુતિસિક્ખાપદવણ્ણના
8. Upassutisikkhāpadavaṇṇanā
ઉપસ્સુતિન્તિ યથા ઉપકુજ્ઝં ‘‘સમીપકુજ્ઝ’’ન્તિ વુચ્ચતિ, તથા ઉપસ્સુતિ ‘‘સમીપસ્સુતી’’તિ વેદિતબ્બા. યત્થ ઠિતો સુણાતિ, તં ઠાનન્તિ અત્થો. સુતીતિ પનેત્થ પરેસં વચનસદ્દો ચ. સો હિ સુય્યતીતિ સુતિ નામ. ઉપસુય્યતિ વા એત્થાતિ ઉપસ્સુતિ. ઓકાસો હિ સુતિ નામ. ઇમેસં સુત્વાતિ એત્થ ‘‘વચન’’ન્તિ પાઠસેસો.
Upassutinti yathā upakujjhaṃ ‘‘samīpakujjha’’nti vuccati, tathā upassuti ‘‘samīpassutī’’ti veditabbā. Yattha ṭhito suṇāti, taṃ ṭhānanti attho. Sutīti panettha paresaṃ vacanasaddo ca. So hi suyyatīti suti nāma. Upasuyyati vā etthāti upassuti. Okāso hi suti nāma. Imesaṃ sutvāti ettha ‘‘vacana’’nti pāṭhaseso.
સમુટ્ઠાનાદીનિ અતીતદ્વયસદિસાનીતિ ન ગહેતબ્બાનિ. થેય્યસત્થસમુટ્ઠાનં. સિયા કિરિયં ગન્ત્વા સવને. સિયા અકિરિયં ઠિતટ્ઠાનં આગન્ત્વા વદન્તાનં અજાનાપનવસેન સમુટ્ઠાનતો. ‘‘સઞ્ઞાવિમોક્ખં, સચિત્તકં, લોકવજ્જં, કાયકમ્મં, વચીકમ્મં, અકુસલચિત્તં, દુક્ખવેદન’’ન્તિ લિખિતં.
Samuṭṭhānādīni atītadvayasadisānīti na gahetabbāni. Theyyasatthasamuṭṭhānaṃ. Siyā kiriyaṃ gantvā savane. Siyā akiriyaṃ ṭhitaṭṭhānaṃ āgantvā vadantānaṃ ajānāpanavasena samuṭṭhānato. ‘‘Saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedana’’nti likhitaṃ.
ઉપસ્સુતિસિક્ખાપદવણ્ણના નિટ્ઠિતા.
Upassutisikkhāpadavaṇṇanā niṭṭhitā.
